Manipur buainaah centre chemuang – ZPM
Manipur buaina chingfel tur leh an in leh lo tlanchhiatsan te chhawmdawl kawngah sawrkar laipui a chemuang tih ZPM chuan an sawi.
ZPM Political Affairs Committee thuchhuak chuan, Manipur buaina chu Meitei leh tlangmite inkar mai niloin, Manipur sawrkar leh tlang mite inbeihna a ni, tiin, Manipur sawrkar chu buaina chingfeltu niloa, a police commando-te hmatawngah kaltirin buaina siamtu ah a tang hial tih a sawi. Chutih laia sawrkar laipui a chemuang lutukte, raltlante tana Rehabilitation Scheme a kalpui muang lutukte demawm an tih thu a sawi a ni.
‘Meitei leh tlangmite hi engti kawng mahin rorelna pakhat hnuaia awmzui chi an nih tawh loh avangin separate administration siamsak thuai turin sawrkar laipui kan ngen a ni. Zirlai tam tak an zirlai chhunzawm thei loa awmten zirlai an chhunzawm theih dan a theih ang anga ruahmansak thuai turin Mizoram sawrkar kan ngen bawk,’ a ti. Manipur buaina thuar Zofa unaute tanpuina atan an party chhungah bawm hun nise ZPM PAC chuan a ti a. Sumfai bakah thawmhnaw thlengin a thei theiin thawhkhawm turin party mite a ngen.
Manipur buainaah centre chemuang – ZPM
