Manipur Meitei hel pawlte dan pawnah

Unlawful Activities (Prevention) Act (UAPA) hnuaia tribunal chuan Centre-in Manipur valley a inbun Meitei extremist organisation pasarih te chu kum nga chhung atana dan pawna hnawhchhuah zui a tihna chu a pawmpui.
Thupek chuan tun hnai kum nga chhungin Manipur-a tharumthawhna 689 a 335 te chu heng Meitei extremist pawl te thiltih tia sawiin security personnel pakua leh civilian 21 in nunna an chan phah a ti bawk a.
Heng Meitei extremist te hi Manipur inlakhran duhtute niin Myanmar leh Bangladesh-ah inbunin an cadres te training pein ralthuamte pawh pekin an awm a ni a ti bawk a. Heng insurgent group te hi kum 1977-a Centre nena peace talk nei tawh Nationalist Socialist Council of Nagaland (Isak-Muivah) te nena inzawmna thuk tak nei a ti bawk.
Union Ministry of Home Affairs (MHA) chuan tribunal hnenah heng hel pawl te hian an front organisation hmangin ;leh civil society group te pawh hmang tangkaiin ‘non-local population te thlurbing bikin, State a ethnic group dang thuneitute nena peace talks neite tibuaiin, national days Reublic Day ang te boycott-in Manipur chu Indian Union nena inzawm an duh lo a ni’ a ti.
Mahse, Ministry chuan kum 2023 ethnic violence thlenga Meitei hel pawlte an inrawlh tihna chu a sawi lang miah lo thung a. Manipur buaina avangin mi 50,000 chuang in leh lo chhuahsanin an awm tawh a, nunna chan 221 an awm tawh bawk a ni.
Ministry chuan Manipur-ah Meitei extremist organisation te, Valley Based Insurgent Groups tia sawi bawk te chuan dan kalhin chet an la nasa a ti bawk a. Chung group tarlan te chu Peoples’ Liberation Army leh a political wing Revolutionary Peoples’ Front (RPF); United National Liberation Front (UNLF); Peoples’ Revolutionary Party of Kangleipak (PREPAK) leh a armed wing Red Army; Kangleipak Communist Party (KCP) leh a armed wing, Red Army tih tho te; Kanglei Yaol Kanba Lup (KYKL); Coordination Committee (CorCom); leh Alliance for Socialist Unity Kangleipak (ASUK) te an ni.
Heng insurgent group te hi kum 1979 khan unlawful association tia puan an ni tawh a, khata tang khan dan pawna hnawhchhuah char chara la awmin November 13, 2018 kha pawhsei hnuhnun ber a ni bawk.
Ministry chuan heng pawlte hian security forces te thatin, sorkar hnathawkte an that a, sum an khawn a, sorkar hnathawk, sumdawngte atangin dan lovin chhiah an tuklui a, sum hmuh nan mi an ru bo va, drugs hmangin an sumdawng a ti bawk.
November 2018 atanga December 2022 chhungin UPA hnuaiah case 1,019 heng hel pawl te lakah hian ziah luh a ni a, case 11 ah chargesheet siam niin mi pathum convict an ni bawk a. February 2019 atanga February 2024 inkar khan extremist 1,179 man niin, 95 an in pe a, ralthuam 205 hmuhlet a ni a ti bawk.
Kum 2020, 2021, 2022 leh 2023 khan heng hawl pawl te hian tharumthawha buaina 44, 60, 96 leh 51 an siam a. Kumin January leh February thla khan tharumthawhna 24 lai siamin civilian pasarih in nunna chanin mi 13 rukboin an awm a ti bawk.
Justice Sanjay Kumar Medhi chaun tribunal chuan thutlukna a siamah Central sorkar chuan heng hel pawl pasarih te hi a thunun vat lo a nih chuan inlakhran zel tumin an cadre te mobilise in harsatna leh buaina nasa zawk an siam thei a, anti-national activities an kalpui chuan India sovereignty leh national integrity a tibuai thei a ni a ti bawk.