Manipur Assembly chuan resolution siamin Union Government chu Kuki-Zo inurgent group te nena suspension of operations (SoO) pact an siam chu hnawl turin an ngiat a, SoO hi kum 2008 atanga kalpui tan tawh kha niin pawhsei zelin a awm a ni.
Assembly resolution siam lai hian Kuki-Zo-Hmar legislator member 60 awmna Assembly a member 10 awm te chu an tel ve lo thung.
Kum 2008 khan United Peoples’ Front (UPF) leh insurgent group 24 intel khawmna Kuki National Organisation (KNO) leh Union Ministry of Home Affairs, leh Manipur government te chuan tripartite agreement an ziak a, February 29 kha pawhsei zel tawpna chiah a ni bawk.
Manipur sorkar chuan SoO pawhsei a nih theih nana meeting neihah aiawh a tir lo va, MHA officials te chuan engmah sawizui an la nei lo bawk.
Manipur Chief Minister N. Biren Singh chuan resolution chu helai region a remna a awm theih nana tih a ni tiin a sawi a. “12th Manipur Legislative Assembly chuan a 5th session a ni hnihnaah lungrual takin Central sorkar chu SoO pact Kuki-Zo militant group te nena an siam chu hnawl turin a ngen a ni. He thutlukna siam hi helai region a remna leh muanna awm theih nana tih a ni” tiin X ah a ziak lang.
Tripartite agreement
Assembly a sawihona tawite neihah COM hlui O. Ibobi Singh, Congress party leader chuan SO pact chu Assam Rifles leh Kuki militant group thenkhat ten kum 2005 khan an ziak a ti a. “Manipur sorkar hriatpui loha an ziah a ni a. State forces te chuan militant te chu a la man zui reng tho a. SoO dang chu kum 2008 khan State sorkar telin ziah a ni leh a ni” tiin Singh chuana sawi.
Inremna chu Kuki-Naga te kum 1990 chhova an inbeiha mi za telin nunna an chanphah hnua ziah a ni a. Militant group te hian Kukis te tan independent ram an gniat a ni. Inremna in a ken ber chu Kuki-Zo group te chuan an ralthuam hlain peace talks ah telin an awmna tura siam designated camp ah an awm ang tih a ni.
Heng group te hian Union government nen inbiakna tum tam tak an nei tawh a, May 3, 2023 a Kuki-Zo leh Meitei community te inkara buaina chhuah hma lawk khan Kuki-Zo tribal area ah ‘local self governance’ an nei hman lek lek a ni.
Hetihlai hian Manipur police te chuan Meitei group Arambai Tenggol te chu ‘anti-social activities’ hrang hranga inhnamhnawih tiin civilian te sawisa in, sorkar officials te vehicles te an chhuahsak a, sumdawng te lakah pawisa an khawn an ti bawk.
Arambai Tenggol te hi Meitei mipui tena an thlawp em em ni thungin Kuki-Zo te nena buaina awm hnuah phei chuan an thlawp zual an ni.
Tun hnai lawkah Rambai Tenggol member te chuan senior police officer an sawisa a, he mi hnu hian State police te chuan Arambai Tenggol te chu mipui humhimtu anga ngaihna chu a dik lo va, mipui kalhin an che zawk an ti.
Manipur police ten beih an tawh avangin Indian Army leh Central forces te tam zawkin Manipur an thutchilh phah tawh ang tiin an sawi bawk.