Daily Newspaper

Maradona sun vanga chawi zat euro 780

10

Pathianni La Liga inkhel pakhata Barce-lona-in 4-0 tehrenga Osasuna an sawp tuma a goal thun a lawmnaah Lionel Messi chuan a chipui leh Barca player hlui ni bawk Diego Mara-dona sunna, ngaihsanna leh zahna ni bawk a pholan avangin Catalan team leh an captain chu sum chawitir an ni.

Barcelona goal lina a thun lawmin an captain Messi chuan tunhnaia boral ta Maradona hak thin number chuanna khelmualah Newell’s Old Boys shirt a ha a, he Argentine club hi a naupan laia a lo inziahluh ve tawhna leh Maradona pawhin a hun hnuhnung lama a lo khelh ve zawk tawhna a ni nghe nghe.

A Barca shirt hlipa Maradona leh amah ngei pawhin a lo hak tawh thin Newell’s Old Boys thuam a inbel avang khan yellow card pek a nih bakah Barca captain kha euro 600 zawhtir niin, a khelhna club pawh euro 180 chawitir an ni ve bawk a, an pahnih sum chawi belhkhawm hi euro 780 (706.30 pounds) a ni.
Tarlan tawh thin angin, Newell’s Old Boys supporter Messi hian kum 13 mi a nih laia Barca a pan hma khan an khaw junior team tan hian a lo khel ve tawh a, kum 1993 kha Maradona pawh Rosario khaw club tan hian a lo khel ve zawk tawh a ni.

A goal thun lawma a chipui legend sunna leh zahna, hriat-rengna a pholan hnuah Messi hian Insta-gram lamah thu a hnutchhiah zui leh a:
“Min kalsan ngei a, mahse, khawihah mah a kalbo lo, a chhan chu Diego hi chatuana nung reng a ni tlat.”

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy