Daily Newspaper

Martial-a’n chhuah a duh

10

French striker An-thony Martial chuan Manchester United chhu-ahsan a duh tih manager lailawk Ralf Rangnick a hrilh a. Tun hi chona thar hmachhawn tura in thlakthlenga hun tha a nih thu Martial hian a sawi.

Kum 26 mi Martial hi United hian kum 2015 khan Monaco atangin £36m zet sengin an la lut. Old Trafford-a an lak luh lai hian Martial hi khawvela rawlthar man-to ber a ni hial nghe nghe. Red Devils hian beiseina sang tak nen la lut mahse an beisei angin a hlawhtlinpui thei lo thung a, Old Trafford club tan khelh that chang nei bawk thin mahse par a chhuang tak tak thei lo. United in tlarhma player tha Cristiano Ronaldo, Edinson Cavani leh Jadon Sancho te an neih belh hnuin Martial tan hmun chan a harsa leh zual a, khelhna hmun a chang thei meuh tawh lo. United tan inelna hrang hrangah vawi 268 khel in, goal 79 thun tawh mahse season kal mekah vawihnih chauh khel in, goal khat chauh a la thun a. Manager lailawk Rangnick hnuaiah phei chuan vawikhat te pawh khelhna hmun a la chang miah lo hial a ni.

Martial-a agent Philippe Lamboley chuan French striker hian January thlaah Old Traf-ford chhuahsan a duh thu a lo sawi tawh bawk a. Newcastle United, Sevilla leh Atletico Ma-drid ten lak tuma an hel mek Martial hian Old Trafford a chhuahsan ngei tura ngaih a ni. Hetihlai hian manager lailawk Ralf Rangnick erawh chuan Martial lak tuma dawrtu an la awm loh thu a sawi ve thung a. Martial-a chhuah duh chhan chu hriatthiampui viau mahse a ngai pawimawh ber chu United a nih thu a sawi. Rangnick chuan Martial nen inhmu in, hun rei tak chhung an titi thu a sawi a. “A dinhmun a sawi hnuin ka hrethiam em em, a duhdan pawh tih hlawhtlin a thain ka hria. Chutih laiin tuna United dinhmun erawh kei chuan ka ngaipawi-mawh zawk a ni. Covid-19 hrilengin min tibuai mek, competition hrang hrang pathumah kan la dam bawk, chungah chuan tha taka chet kan duh. Kei chuan club lian dang an rawn lan leh lan lohin a chhuah leh chhuah loh chungchang a hril tur thu ka hrilh a. Player-in chhuah duh ringawt mah se club dangin an rawn ngaih-ven loh chuan kan hnen ah a cham rih a ngai dawn a ni,” a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy