Maruti Suzuki flagship model- hybrid MPV thar Invicto chu July ni 5-ah an tlangzarh dawn ta. He MPV hi Toyota Innova Hycross nen a inzul viau a, a hmingah Maruti Suzuki Invicto an ti ve thung. Maruti Suzuki passenger vehicle line-up-ah chuan a chung ber a ni dawn a, Maruti kutchhuak kan hmuh theihah chuan a manto ber a ni bawk a ni.
Invicto hi Bidadi, Karnataka-a Toyota hmunah siam a ni dawn a, Toyota kutchhuak Suzuki-badged model anga India-a hralh chhuah hmasakber a ni dawn ta a ni. Toyota leh Suzuki hian 2017 khan thawhdunna thuthlung an lo ziak fel tawh a, hemi zulzui hian Maruti Suzuki pawhin Toyota hnenah lirthei an lo supply nual tawh a, Toyota hian Baleno pawh Glanza hming vuahin an lo hralh chhuak tawh a, Vitara Brezza pawh Urban Cruiser angin an hralh chhuak a, model dang Ertiga leh Ciaz te pawh ram dangah chuan Toyota angin an hralh chhuak ve reng tawh bawk a ni. Hei bakah hian Suzuki leh Toyota thawk dunin an siam SUV pawh Maruti lamah Maruti Suzuki Grand Vitara angin an hralh a, Toyota lamain Urban Cruiser Hyryder angin an hralh chhuak ve thung.
Hycross hi Toyota chuan India-ah an hralh chhuak tawh a, hralh pawh a kal viau a, Toyota hian booking pawh a top-spec ZX leh ZX(O) te chu an khar rih nghe nghe a ni.
Maruti flagship MPV hi Hyrcoss ang bawkin string hybrid a ni dawn a, a engine hi official-in an la puang lo nain, Hycross hian 2.0-litre petrol engine a nei a, hetiang tho hi Invicto pawhin a neih a rinawm. Maruti Suzuki Invicto hi Nexa dealhership kaltlanga hralh chhuah tur a ni a, a man hi Innova Hycross aia to deuh zawk tura ngaih niin, Hycross hi Mumbai showroom-ah Rs 18,55,000 atanga Rs 26,78,000 man a ni.
Maruti Suzuki Invicto
