Daily Newspaper

Mask vuah lo President-in pawisa chawi

10

Chilean President Sebastián Piñera chu hmaikawr vuah lova a selfie avanga coronavirus rules a bawhchhiat avangin $ 3,500 chawitir a ni.

Pinera chuan hmeichhe pakhat nena hmaikawr vuah lova an selfie thlalak thehdarh zui tak avangin pawi a tih thu sawiin ngaihdam a dil a ni.

President Pinera chuan hmeichhia chuan a chenna Cachagua-a beach-ah selfie puiah a sawm thu sawiin hmaikawr vuah ngei tur an nih thu a sawi a.

Chile hian punkhawmnaa hmaikawr vuah ngei tur tiin dan khauh tak a kalpui mek a. Dan bawhchiate chu hremna natak pawisa chawi tir mai bakah lung ina khung theihna a awm a ni.

Chile-ah coronavirus kai an pung zel a, Latin America-ah pawh virus kai tamna leh nunna chan tam ber berna ram zingah a tel a. Virus kai 581,135 nei tawhin nunna chan 16,051 an awm tawh a ni.

Pinera thlalak hian a hma pawhin politics thilah buaina a lo thlen tawh a. Nikum khan Chile capital Santiago khawpuia intluktlan lohna nasa lutuk avanga mipui tam tak lungawi lote punkhawm zanah pizza party a tel lai thlalak pholan a lo ni tawh bawk a.

Kumin April thla khan Chile-in coronavirus restriction a kalpui hma in anti-government protest neih laiin Santiago khawpuia plaza pakhat a tlawh lai thlalak pholan a lo ni tawh bawk.

June thla atang khan Chile-ah nikhatah virus kai thar 1,000 chuang te hmuh chhoh reng niin December thla tir khan Pinera chuan khuahkhirhna khauh zawka kalpui a nih theih nan state of emergency ni 90 chhung atan a puang zui bawk.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy