Daily Newspaper

Mawhphurhna inpek

14

Remna leh muanna hnuaiah kum sawmthum chuang hmasawnna hna kan thawh theih chhung hian, sawrkarna chelhtuten an ngaih pawimawh ber chu ‘ei leh bara intodelh’ tih a ni thin. Tun dinhmunah hian ei leh bara intodelh chu sawi loh, kum khat chhungin thla thum vel tla awrh buhfai kan thar chhuak a, FCI atanga kum tina buhfai chawkluh pawh a la kiam thei chuang lo. Chumi awmzia chu, ram hruaitute hi, ram leh hnam dinhmun siamthat kawnga mawhphurhna inpek kawngah an sâng lo hle tihna a ni awm e. Covid-19 hrilengin Mizoram a rawn hnaih tual tual a, thenawm state a rawn thleng tih hriat a nih veleh, ramri bulhnaia khuate chuan tuma tirh pawh ngai lovin ram leh hnam a himna tur a nih chuan tiin eizawnna tlansanin ramhnuai an pan nghal zung zung mai a. Mipui lamin ram leh hnam tana mawhphurhna an inpek dan hi a sâng hle a ni. Tunhma atang tawhin ram hruaitute hian, ei leh bara kan intodelh lohna chhanah hian mipui an mawhpuh lek lek em maw tihturin, ‘thla hnih tla bak kan la thar chhuak lo’ tih thu sawi chhuah an ching a. ‘|anpui tlaka thawk Editorial…..? Mizo Daily Newspaper The Aizawl Post ARTICLE Ningani, July 2, 2020 5 Vawiin Changvawn Thifingte 16 : 18 taimate chu sawrkar pawhin phur takin a tanpui thin’ tih thu pawh hriattur a awm fo. Hei hi sawrkar tan chuan tihawm hliah hliah a ni a; chutih laiin, thawk chung pawha hlawhtling hlei thei lote khai chhuah kawngah ‘facilitator’ a nih angin sawrkar hian mipuite hi a vil tha tawk lo tih a lang nghal bawk awm e. Tuna hrileng mek avanga buaina leh harsatna hian min rawn beng harh dawn niin a lang a, ei leh bara intodelh pawimawhzia leh, kan dinhmun derthawnzia a taka kan han dai takah chuan, sawrkar hnuaia department hrang hrangte pawh an tho suau mai a, hrileng avanga thihna hial tawk kan la awm lo hi a vanneihthlak a, hrileng a lo awm hi a lawmawm tuman kan ti lo ang a, mahse, min beng harhtu tha tak erawh a ni dawn niin a lang a, kan dinhmun derthawnzia min rawn hrilhtu tha tak a ni awm e. Ram hruaitute hian, ei leh bara intodelh hi an vei tak tak a nih chuan, ram zimtea cheng mihring tlemte hi ei leh bara intodelh thei tura inhlankai hi chu a hun tawh niin a lang. Ram hruaitute hian, ‘kan mawh’ a ni e tia harhtharna an chan phawt chuan, hma kan sawn ruak ruakin a rinawm.

  • Editorial

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy