Daily Newspaper

Mbappe mellung thar phun zan

14

Montpellier khel-muala 3-1 hnehna an chan zanah Paris St-Germain forward Ky-lian Mbappe chuan goal khat thunin, hei hi Ligue 1 hmahruaitu PSG tana a goal 100 tihluhna chiah a ni.

Inrinni inkhel darkar chanve pelh hlekah Colin Dagba chuan Angel di Maria siamsak atangin PSG hmahruai-na goal a khung a, hei hi a career-a a goal hma-saber a ni nghe nghe.

Chawlhlawk dawnah kum 22 mi English for-ward Stephy Mavididi chuan hnai set sawt atangin Montpellier siphurh sutna goal a tilut a, half time-ah sikhat ve ve thunin chawlhlawk an hmang phawt.

Second half lai-hawlah Juventus player hlui dang Moise Kean chuan chep tak atangin Paris hmahruaina goal a tilut a, hun pekbelhah kum 21 mi Mbappe chuan chiang lehzual zawka mikhual team chakna goal khungin, PSG tana game 137 a khelh tlinna chiahah goal 100 a thun tling a, French champion tana goal century siam tling thei player pangana niin, Edinson Cavani (200), Zlatan Ibrahi-movic (156), Pauleta (109) leh Dominique Rocheteau (100)-te hnung a zui ve ta a ni.

Canal Plus-in an kawmnaah France striker chuan Paris club lian a zawm hlim khan goal thum tihluh pawh a ngaihtuah phak loh thu sawiin, goal 100 puitlin phei chu a suangtuah phak piahlam daih a nih thu a sawi.

France international hian pound maktaduai 165 zeta an khaw club a zawm hma hian Monaco tan goal 27 a lo thun tling ve tawh bawk a ni.

Inrinni inkhelah PSG boss chuan Neymar a hahchawlhtir a, Mbappe pawh substitute niin, Thawhlehni zan Cham-pions League inkhel pawimawhah Istanbul Basaksehir an sut a ngaih dawn avangin an hmatawng tha pahnih an khek a, nuamsain Montpellier mualah point thum an thawk-chhuak ta tho a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy