Daily Newspaper

Megan Thee Stallion thah tumin an kap

41

Hmeichhe rapper Megan Thee Stallion chu Pathianni kalta khan silaia kah a ni a, “Ka dam chhuak hi ka lawm hle a ni,” tiin a Instagram-ah a post.

Magan Thee Stallion hi an kah hliam avangin damdawi in-ah dah a ni a, chutah chuan a taksa atangin silaimu an lakchhuah sak a, tha takin a dam chhuak leh thei dawn niin doctor ten an hrilh.

Megan Thee Stallion chuan an kah thu hi July ni 15 khan Instagram-ah a puang a, “Pathianni zingkar hma takah, silaia kah hliam ka ni a, ka laka dan bawhchhiatna avang leh min tihnat tum luihna avang hian man ka ni lo va, police officer ten damdawi inah min kalpui zawk a, chutah chuan min zai a, silaimu an la chhuak. Ka dam hi ka lawm em em a, tha taka damchhuak leh thei tura ngaih ka ni, mahse, he zan thinthawng tak chungchang hi ka sawifiah ngei a pawimawh ve a ni,” a ti.

Hetianga a insawifiahna chhan hi a car-ah silai an hmuh avangin an man niawma thu a than vang a ni a, Megan chuan an man loh zia leh amah chu tuten emaw that tumin an bei zawk a ni tih a puang chiang ta a ni.

Megan, kum 25, hian a dam chhuah leh velah rimawi khawvela kir lehnghal a tum a, Pathianni kaltaa a thil tawn chu a mit ti vartu leh dil loh zawk malsawmna a nih thu a sawi tel bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy