Daily Newspaper

Meghalya Governor tawng chhuak na

11

Meghalaya Governor Tathagata Roy chuan ‘Non-tribals te rights humhimsak theih loh’ chuan Governor hming putlakah pawh a inngaih loh thu a sawi.

Governor Roy thusawi chhan hi July 3 a Bengali mipa naupang panga Lawsohtun area, Shillong-a basketball khel lai sawisak an nih vang a ni.

“A chang chuan sual atangin thil tha pawh a chhuak thin. Non-tribal mipa naupang panga te, gang member 20 rual te tribal ni vek tena an sawisak hi prominent tribal citizen Patricia Mukhim leh Albert Thyrniang te pawhin an sawisel na hle a ni,” tiin Roy chuan a tweet bawk.

Mukhim hi The Shillong Times editor a ni a, Thynriang erawh Assam-a West Karbi Anglong district a missionary school head a ni thung a, an pahnihin Meghalaya mi leh sa te ve ve an ni.

“He thil thleng chung chang hi CM Conrad Sangma nen rei tak kan sawi duh tawh a. Ani ngei pawh he thil pawi theih dan hrefiahtu niin hmalak a intiam a ni. Hei bakah hian Shillong area-a non-tribal te chu hual zim an nih fo thu hrilhin State sorkar chuan an morale a tung nung tur a ni a, State chhungah tute mah thleibikin an awm tur a ni lo” tiin Roy chuan a sawi bawk.

“State danga India khua leh tui tena Meghalaya-a tribal/non-tribal inzawmna hi an ngaihven thar hle a ni,” tiin a sawi bawk.

Hei bakah hian Governor Roy chuan Lawsohtun Dorbar Shnong tena Patricia Mukhim in social media-a he thil thleng chungchang a duhlohna a pholan avanga FIR an thehluh chu a sawisel bawk.

Drobar Shnong hi Khasi hnama traditional village governing body niin khawpuiah pawh la chhawm zel a ni a, an thuneihna a sang hle.

July 7-a Dorbar Shnong tena Mukhim Facebook post avanga FIR an thehluhah ‘hnam anga buaina boruak tha lo’ a siam thei an ti a ni.

Sylvester Nongtnger, Superintendent of Police of East Khasi Hills district chuan Bengali mipa naupang panga sawisatu nia rinhlelh mi 11 te man an nih tawh thu leh criminal case ziahluh a nih thu a sawi a.

July 4-a Mukhim in social media kaltlanga sawiselna a kalpui hnuah police te chuan thuchhuah siamin buaina siam tum leh inunauna tibahlah zawnga chete lakah chet an lak tur thu an sawi nghal bawk.

Kum 1972 a Meghalaya-in state a neih atangin ‘pawn lam mi’ tia sawi te lakah tharum thawhna a thleng awl lo va. Kum 1979 khan Bengali te lakah hleilenna kalpui a ni tawh a, kum 1987 ah Nepali ten an tuar leh a, kum 1992 ah Bihari ten tuar lehin kum 2018 khan Dalit Sikh ten an tuar leh bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy