Daily Newspaper

Mercedes kal tluang lai dangtu Verstappen

11

Red Bull car khalhtu Max Verstappen chuan Pathianni Silverstone tlankawnga Formula One 70th Anniversary Grand Prix-ah hnehna changin, tun season F1 world championship race-a hnehna la chang chho par par Marcedes driver-te chak tluang lai a titawp a, driver standing thar berah hmahruaitu Briton Lewis Hamilton hnaihbertu a ni chho nghal.

Britain tlankawng hluna Pathianni race hi a hma chiah k^r intlansiak ang bawk khan tyre-in leh strategy-in a thunun lian hle a; race tawp hnaih tawh lamah Hamilton chuan a Mercedes team-mate Valtteri Bottas lehpelin pahnihna a luah chho a, standing-ah point 30-in a f^l theih phah. Bottas pawh hian podium lawn pha ve thoin, pathumna a lungawipui mai a ngai.

World champion vawiruk ngawt ni thei Hamilton hian fastest lap a l^k avangin extra point a hlawhchhuak tel a, podium luah zing ber record kawltu Ferrari great Michael Schumacher-a dawhsan lawn zat lawn tling turin a career-ah Briton hian podium vawi 155 a lawn tling ve ta a ni.

Hnehna changtu Dutchman Verstappen chuan point 77 hmuin, point 107 nena hmahruaitu Hamilton a la pha lo deuh.

Pole position atanga bul tan thei Finn Bottas chu a tawpah pathumnaah a tlahniam a, chu chu a tawpna ni zui nghalin, point 73 nen driver stading lamah pawh pathumna dinhmun a luah.

Mercedes hi intlansiak hmasa paliah an chak vek a, an driver pahnihte’n pole pawh an la hauh vek a, mahse, Pathianni race-ah Verstappen an ngam ta lo a, tlanchhuak hmasa 10 zinga hard tyre hmang awmchhun a ni a, a nihlawhpui ta a ni.

Tun season kal meka Silverstone tlan-kawng intlansiak hmasa zawkah khan Hamilton leh Bottas chuan tyre lamah harsatna an tawk ve ve a, chuti chungin Hamilton chuan hnehna a chang ta tho kha a ni a, tun Pathianniah erawh pahnihna a pel zo lo.

Italian team ropui Ferrari driver Charles Leclerc chu palinaah thlengin, Red Bull khalhtu Alexander Albon leh Racing Points driver Lance Stroll leh he team stand-in Nico Hulkenberg-te a hmakhalh.

Pariatnaa thleng chu Renault khalhtu Esteban Ocon niin, pakuanaah McLaren driver Lando Norris a thleng a, AlphaTauri tana point hnuhnungber chang tura sawmna luahtu chu Russian Daniil Kvyat a ni.

Kartawp hian hripuiin a la tihbuai mek ram Spain-ah an insuanchhuak dawn a, Barcelona nipui sa rumr<t hnuaiah Mercedes an talbuai leh dawn em tih chu mite zawhna pakhat a ni.

THE AIZAWL POST – Infiamna

HOME>> The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy