Daily Newspaper

Messi a hlim zozai tawh lo!

11

An hmelma lianber Real Madrid champion zana mikhual nei Barcelona chu Osasuna lakah 1-2-in an tlawm ringawt a, an ngam loh team kha November 2018 hnu lam Nou Camp La Liga game-a hnehna chang thei away team hmasaber niin, Ningani zanah Barca captain Lionel Messi lawmlohna richhuak hriat tur a awm leh.

He inkhelah hian tan atanga minute 15-na lekah Jose Arnaiz chuan Osasuna hmahruaina goal a khung mai a, chawlh-l^wk hm^in mualneitu team-in an siphurh an s<t zo lo.

Second half tir lam minute 62-ah Messi chuan free-kick atanga home team siphurh sutin, minute 77-ah Catalan team tana chak beiseina tisang zual turin mikhual player Enric Gallego chu Clement Lenglet a nghawk avangin hnawhchhuah a ni a, heti chung hian mualneitu team-in goal dang an khungbelh thei lo a, chu ngawt chu an mual-phona ni loin, hun pekbelh zawh dawn lamah Roberto Torres-a goal an chhuah zui leh hram a, Messi ngaihdan a ni zozai tawh lo!

Kha game-ah khan chak pawh ni se inkhel danga Real Madrid an chak avangin Barca tan league title beisei tur a awm tawh chuang lo a, Argentine phun-ang thawmin sawi zui a hlawh ta a ni.

Goal 23 thuna La Liga top scorer ni mek Messi hian khelh khat an la neihah chuti maia title an hloh ta leh an tawp dan chu an beisei loh dan a nih thu sawi chungin, “Hetiang hian kum kan chhiarliam miau si,” a ti a, reporter hmaa tawng uar ve ta chuan sawizawmin:

“Team chak lo tak kan ni a, thathona leh tumna tak tak nena hneh theih mai kan ni.
“Kan chak mar thei hlek lo a, kan hloh hlek loh tur point thahnem tak an hloh mawlh mawlh a, player tin atanga tanin mahni theuh kan inngaihtuahharh a ngai a,” ti zet chungin club board lam lo kawk zauh zauh tawhtu hian club pumpui inennawn a ngaih thu a zep duh leh ta lo a, Barcelona an nih ang ngeia game tina hnehna chang zel tur an nih thuin fuihna a zep tel.

Inkhelh ban TV interview-ah Barcelona captain hian a lungawilohna a sawichhuak ve hlaih hlaih a, “He game hian kumina kan game ziarang a phochhuak a; engtikemaw lai khan tuna kan khelh ang hneh hne hi chuan Champions League trophy hawn ngaihna a awm loh thu ka lo sawi tawh a, tunah chuan La Liga title humhim tur pawhin kan khelh dan hi a tawk zo ta lo a nih hi.

“Boruak thar hip kan mamawh a, December thla atanga min tihnawktu zawng zawng kha thingthlain kan rilru pithmang nen lam i tuaithar teh ang u,” a ti.

Barca tana trophy lian beisei tur awmchhun ni ta chu Champions League niin, August ni 8 khian last 16 second leg-ah Napoli an mikhual dawn a, Italy rama 1-1 draw nei tawh an nih avang leh tualchhung league lama inhambuai ngai tawh lo an nih bawk avangin rin kai zawk an ni lo thei lo a, mahse, an captain berin Champions League lallukhum chang tur pawha fit lo an nih thu a sawi miau avangin rilru thar nena an inlan ngei chu a ngaih hmel!
Argentine superstar hian an manager Quique Setien-a hnuaia team khelh dan chu a sawisel bawk.

Hripui avanga league an chawlh hlim khan Barcelona hi hmahruaitu niin, point hnihin Madrid an kalsan a, season an chhunzawm a, vawi 10 tehreng Real an chakzawn ta mai a, a lehlamah Barca an nem ta tlat a, match thum draw an neih hnuah Ningani khan an khelmual ngeiah an tl^wm zui a, November 2018 hnu lama an khelmuala an chak loh hmasakber tum an tawngbua a, Messi lawmlohna thawm hriat tur a awm zui leh ta a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy