Daily Newspaper

Messi aiah Bartomeu chhuak zawk dawn?

9

Barcelona captain chhuah ngen m>k Lionel Messi hian engemaw lai atang khan an team quality a sawisel rualin club chhung inawp dana duhkhawp a ngah loh thu a sawilang fo a, tunhnaiah professional a luhchilh hnua a club vawn chhun la ni ta ngar ngar Barca chhuahsan a duh thu club-ah a thlen ta hial a, Argentine superstar an hum theihna tur a nih dawn phawt chuan an president Josep Maria Bartomeu zawk hian a tuar dawn nia ngaihna a piang a, corruption thubuaiah a awk ta chat mai!

Catalan police force chuan Bartomeu thuneihna Barcelona board chu social media consultancy I3 Ventures an rawih dan chungchangah thamna leh phiarrukna lam thil zakzehah an puh a, president Josep Bartomeu chu I3 Ventures an rawihna kawnga mimal hl^wkna siamchhuakah puhin, Messi hmalam hun ngaihtuaha an buai vanglai takin Barcelona-in buaina thar an t^wk a, Argentina international pawhin thutlukna siam loin boruak a la thlithlai rih niin a lang a, Bartomeu ber an petchhuah chuan a ngaihdan pawh a sawhsawn mai ang em tih zawhna a piang m>k.

Barca board leh an president eirua puhna hi Ningani zan khan Spanish outlet El Mundo chuan an phochhuak a, Catalan police force chuan judge hnenah I3 Ventures rawih chungchanga thil felhlel awma hriat chungchang hi an hriattir tawh niin an tarlang bawk.

Investigating hian puhna chungchanga report a dawn hi engtinnge a kalpui dawn hriat a la ni rih lo a, Barcelona director-te chu sawifiah tur emaw an dikna pholang turin emaw a koh rin a ni.

Tarlan t^k angin, Barcelona hian social media lama an club chungchang thil dik lo awmte vil a, vensak turin social media lam buaipuia thurawn pe thintu company(consultancy) pakhat I3 Ventures an tih chu an ruai a, El Mundo tarlan danin Barcelona hian an inrawihna rate aia 600 per cent zeta sang I3 Ventures hnenah hian sum an pe a, chu chu an duhdana chhawr an tumna hmanrua anga ngaihsak an ni ta a ni.

Hemi chungchanga sawi neuh neuh hi kumin February thla atanga richhuak daih tawh kha a ni nghe nghe a; chutih lai chuan Spanish media pakhat Cadena Ser atanga he thu hi richhuak niin, Barcelona company rawih chuan a ni lo zawngin hna an thawk a, club inthlan an hmachhawn m>k laiin president tanglai Josep Bartomeu khing thei turte social media account chhuir>kna a awm niin thu a lo thang tawh a, heti zawnga Barcelona board lamin an company rawih hi an kawihher theihna’n an inrawihna rate tura an inremna aia sang daih sum an pe tih chu Catalan police lamin an puhna a ni ta a ni.

Hetiang thawm a rikchhuah hnu hian Barcelona pawhin I3 Ventures nena contract an lo ziah tawh chu an titawp zui nghal a, mahse, board leh president chuan thubuai an awrh zui dawn ta tho niin a lang.

Kumin July thla khan Barcelona chuan audit company PWC-in an sum hman dan an chhuina an tlangzarh a, PWC chhuina atang chuan an club chhunga thuneihna fawng vawn ve tum mi pawimawh dangte chhiatna lam hmuhchhuah tuma chhuirukna ang zawnga I3 Ventures hmanna rawngkai a awm loh thu tarlan a ni a, chu mai ni loin audit chuan social media consultancy an rawihna man uchuak taka pek a awm loh thu a tarlang thlap a, Barcelona board lam chu fihlim angin an lang.

Messi laka an buai vanglai takin El Mundo chuan tunhnaiah thuthar an rawn nei ve leh ta tlat a, police lamin audit report pawh an ringhlel niin an tarlang tel.

Nilaini khan Argen-tina lamah chuan Man-chester City pana chhuah-na kawng zawng Messi chu a thiltumah a beidawng hnai niin an sawi a, chutih lai vel tak chuan El Mundo hian Messi nena tawngk^a intawksir chho ta zauh zauh reng Bartomeu-te lam talbuai thu hi an rawn tharthawh leh ta a, Nou Camp boruak hi a la ngaihnawm chho zel rih dawn niin a lang.

Thawhlehni zan khan Messi pa leh a agent ni bawk Jorge Messi leh Nou Camp president Josep Bartomeu-te chu minute 90 chhung an inkawm a, he hunah hian Barcelona lam chuan an captain chhuah tum chu thlemdaihsak turin Messi pa hi an lo ngen a, Messi lamin free transfer-a chhuahna kawng an zawng ve bawk niin a lang a, pawl hnih hi an inbiakna hmasaah an tanna atagin an tawlhsawn duh lo ve ve rih phawt tih hriat a ni a, hetia a chhuah duh chhan pui ber nia lang Barcelona board lam talbuai tur anga boruak a inmun chhoh leh t^k avang hian Barcelona captain pawh a thutl<kna lo siam tawh ngaihtuahnawn leh tura ngaih a ni.

Hetiang hi thil awmdan a nih chhoh leh t^k thut avangin Argentina media tam zawkte pawhin free transfer ngenna lehkha (burofax) lo thehlut tawh nia an tarlan Messi chhuah leh loh theihna ‘chance’ chu ’90 per cent’ niin an chhuah leh sup sup tawh!

Football khawvelin Messi hmalam hun a ngaihchan thuap lai leh football journalist zawng zawngin thuthar an melh reng laiin Barcelona player-te pawhin an captain leh club inkar boruak chu an hre thui vak bik lo niin Antoine Griezmann-a tawgk^ atang chuan a lang!

Mundo Deportivo-ah hetiang hian Griezmann-a thusawi hriat tur a awm:

“Thuthar hriat tumin beng kan chhi reng a, mahse, club leh Messi ink^ra thil thleng hi kan hre thei bik ri hlo. A chhuah loh hi kan beisei tawp mai a ni. Ri thei tawh phawt chu kan ngaich^ng a, keini lam atang pawhin engmah hriat kan nei bik lo.”

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy