United States a thlen hnua a thlun phelh ang zar zara khel tha mar Lionel Messi chuan Ni-laini zan Major League Soccer match pakhata Inter Miami leh Nash-ville SC inhnehtawk tumin goal a khung lo ve ta mial a, Argentina captain awl zan hian inelna hrang hranga vawikua teh meuh chak zawn kal mek Miami-in hnehna lawm tur an nei lo ve nghal a, goal awm loin team pahnih an inhnehtawk.
Kumin July thlaa PSG atanga Messi an lakluh hnuah tun kha Miami chak zawh loh vawikhatna ni nghal bawkin, Barcelona stri-ker hlui goal thun zawh loh rual ruala a club chak tluang lai tawp fel ve nghal hian American team-ah Argentine pawimawhna chu a tarlang chiang thawkhat hle tura ngaih a ni.
Nilaini zan inkhelah kum 36 mi ni tawh Messi hian goal thun leh chu a tum ruh hle tih a lang a, goal lam hawia ball thawnluh tum sarih zet nei mah se tuntum chu a awl tluan ve ta rih a; a club thar tana match kua a khelh tawhah goal 11 thunin a ding ta rih.
Nashville laka point thum an hlawhchhuah zawh loh avangin khelh 10 la awmah Miami hian point 17 laiin MLS automatic play-off qualification khelh phakna hmun an hlat ta.
England captain hlui David Beckham-a neitu nihna Florida club hian match 24 atanga point 22 chauh hlawhchhuakin Eastern Conference-a team inel 15 zingah 14-na an ni mek a; season pang-ngai tawp hnua Eastern leh Western conference-a point hmu sang team pasarih ve ve automatic-in an qualify dawn a, pariatna leh pakuana team chu wildcard match khel turin an tling ve bawk ang a, chumi hnuah knockout format hmangin MLS Cup chawitu tur an inchingfel tawh ang.
August thla tir lam khan Messi hian a club thar chu an club chanchina a vawikhatna atan trophy a lakpui a, Leagues Cup final-a Nashville an hnehna game-ah khan goal a khung nghe nghe.
Messi awl zan
