Daily Newspaper

Messi chhuak leh dawn lo

32

Barcelona chhuahsan a duh thu a sawichhuah atanga chawlhkar khat hnu, karliamta Zirtawpni zan khan Lionel Messi chuan a hmalamhuna zawhna awm reng chu titawpin cham zui a tum thu a nemnghet a, club presi-dent Josep Maria Bartomeu demna a auchhuahpui leh bawk.

Kum 33 mi Argentine hian Nou Camp atanga chhuahna a zawng ngei a, a leichhuak turte tana euro maktaduai 700 tehreng khawhral ngai tur zawnga inremna an lo siam tawh pawh dan hmanga phelh theih a inbeisei kha a ni a, mahse, club lamin tan an khawh tlat a, an captain chhuah ngen hian court lama inbeih buai hrep a duh loh avangin a ch^m dawn tih a sawi.

World player of the year atana vawiruk ngawt thlan tawh Messi chuan, “Ka hlim lo ngei a, chhuah pawh ka duh a, engti kawng zawng maha ka chhuah an remtih loh avang leh dan lama inbeih-zui chiam ka duh loh avangin chhuah tumna ka tawpsan ta a ni.

Bartomeu hnuaia club inawp dan hi chu chhiatna (disaster) a ni ringawt.

“Club hnenah, a bik takin president hnenah chhuah ka duh thu ka hriattir a, ka thu thlen hi season liamta tir lam khan an hre daih tawh nghe nghe a, thla 12 liamta chhung khan ka hrilh mawlh mawlh reng a, mahse, dan huang chhunga inbeih ka duh loh avangin ka ch^m leh mai dawn ta zawk a ni,” a ti.

Catalan club-a contract a ziah hnuhnunber chu kum 2017 kha niin, khami atanga a kum lina leh a kum tawpna ber a hman dawn t^k avangin Messi hian thuawih man (loyalty bonus) atan pound maktaduai 63 ngawt (USD 83.38 million) a dawng thei dawn a, Nou Camp-a a contract neih lai a hman zawh dawn t^k avangin inremna thar a ziak lo a nih chuan season a hman zawh hunah transfer fee-in a l^kluh theih dawn a, hlawh pe huai ngam ngam chan a ni tawh dawn!

Argentina international hian a club vawn m>k atanga kalbo a duh chung leh lungthlu lo zeta ch^m zui ngai leh ta rih mah se Barca laka a rilru puthmang erawh a danglam dawn lo tih tarlang chungin, “Keimah ep zawnga thu vawrhdarhte khan min tina ngawih ngawih a, chu’ng zawng zawng aia tawrh hrehawm ka tih chu thu dik lo tak tak an pholang duh kha a ni. Ka mimal hamthatna atana court lam thlenga Barca khing duh tur anga min ngai leh ka laka khatiang rilru an pu thei kha mak ka tiin, min tinazualtu a ni.

“Chutiang thil chu ka ti ngai lo ang. Ka han sawinawn leh ang e. Chhuah chu ka duh ngei a, ka contract-in min phalsak miau avangin chutah chuan tih dik loh ka nei lo. Chhuah ka duh chhan pawh ka football hun tawp lam kumte hi hlim taka hman ka duh vang mai a ni. Tun hnuah hi chuan club chhungah hlimna ka hmu tawh lo,” a ti tawl!

A cham zui tur thu a puan chian hm^ Zirtawpni v>k khan Messi pa leh a agent ni bawk Jorge chuan ziakin La Liga hnenah a fapa contract-a leichhuak duh tana euro maktaduai 700 (USD 828.03 million) sen ngaihna (release clause) chu a nung tawh lo tih hrilhin, Messi chu man nei loin a chhuak thei tih a hriattir a, mahse, club lamin ngaihdan dang an neih ve tlat si avangin a thlawna an captain chhuahtir chu an remti lo bur a, Argentine camp lam hian court hawnga inbeih >m chu an ngaingam ta lo niin a lang a, trophy lian 30 chuang l^kpuia goal 600 chuang a thunsak tawhna club-ah bet lo zetin season khat chu a khelh leh a ngai dawn ta a ni.

Barcelona hi champion zui ta Bayern Munich-in 8-2 tehrenga sawpin season liamta Champions League an chhuahsan a, kha result an tawrh hnu lawk khan an coach chhawr lai Quique Setien banin an player hlui Ronald Koeman an senglut a, boss thar hnuaia Messi dinhmun tur hi sawil^wk mai theih a ni lo – a hlim dawn em tih chungchangah!

He iconic forward chan tuma lo inlasek hman Manchester City chuan an duhthusam an puitlin zo ta lo a, Etihad stadium-a Argentine leh Barca boss hlui Pep Guardiola inkawp beiseina chu a thamral ta rih a ni.

Tarlan t^k angin, Jorge Messi khan La Liga president Javier Tebas hnenah a fapain chhuah a duh a nih chuan ‘release clause’ kha thaibo theih a nih thu ziakin a thlen kha a ni a, La Liga chuan nimin khan Messi pa lehkha chu chh^ngl>tin, Barcelona dinna chu an thlawp zawk thu leh dik an tihpui thu an hriattir a ni.

Messi dan hremite chuan kum 2017-a contract an ziah laia chhuah theih dan (release clause) an bilh telah khan June ni 10 hm^a Catalan forward-in chhuah a dil a nih chuan man nei loa chhuah theih dan a awm tiin tan an han khawh ngial a, mahse, hripui avangin season liamta khan La Liga campaign chu an pawtsei ta chiam a, August thlaah an zo fel thei ta chauh si a, in report theih hun an lo siam tawhah pawh chuan inhnialbuai theih a ni ta a, Messi hian court-a a club neihchhun ni m>k khinbuai hrep pumpelh duhna avangin kum khat awh tur contract a la neih chu hman zawh a tum ta tih a sawi.

Lionel Messi hian La Lila thlawp hlawh ta zawk Barcelona president Josep Maria Bartomeu chu a thutiama ding loah puhin, club a enkawl dan chu ‘chhiatna ang hialah a puh a, “President hnenah pawh ka sawi tawh a, ani chuan season tawpah chhuah ka duh nge cham ka duh tih ka thlang thei dawn tih min hrilh fo a, chhuah dil hun season tawp a lo thleng a, a thusawiah a ding leh ta si lo a ni,” tiin tunhma lam pawha a lo ep fo tawh club president laka a lungawi loh thu a sawichhuak.

An super star cham zui leh tur thu hian fans lam a tilawm ngeiin a rinawm a, Bartomeu tan pawh an inbeihnaah hnehna a chang mai thei a, mahse, season thar hi a zo ang a, an neih rohlu ber chu contract thar ziak turin an hmin zo tawh lo ngei turah han ngai chhin ila, kum 30 pel tawh ni mah se sumtuakna atana la tha lutuk tur chu man loin an sezawl chhuah tawp dawn tihna a ni a, sumtuakna zawn atang chuan Catalan team tan hian lawm viauna tur a awm lem lo niin a lang a, contract a hman zawh dawn manah thuawih man bonus maktaduai tamtak an thehchhuah a la ngai zui dawn!

Messi hian a hmangaih club lakah chuan a rilru puthmang a danglam loh tur thu sawi bawk mah se club president an thlan thar leh mai turah a ngai bawk hi a tlin leh chuan tunhma ang rilru kha a pu tak tak chiah ang em tih hi sawil^wk a har deuh mai thei!

Chutih laiin Messi tan he club hi club naran a ni lo tlat mai a, amah ngeiin chhuak tur anga boruak a len laia an chhungkaw thiltawn a sawi hian chu chu a tichiang thawkhat awm e:

“Ka nupui leh ka fate hnena chhuah ka duh thu ka han hrilh mai chu lemchan nunrawng tak hi a ni ber e. Chhungkua kan tan chu a ni der mai a, ka fate pawhin Barcelona chhuahsan an duh lo.”

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy