Daily Newspaper

Messi leh Barca inmamawhtawn

14

Barcelona great Xavi Hernandez chuan nakuma a contract hmangzo ve tawh tur captain Lionel Messi leh Catalan team chu l^khhran theih loh, inmamawhtawn chiat an nih thu sawi chungin Argentine chu contract thar hlui leh ngei turin Barca a nawr nghal.

Xavi chuan Catalan team tana goal khung hnember Messi chungchang sawiin, “Messi hian Barca a mamawh a, Barca pawhin Messi a mamawh. Messi a hlim chuan trophy dang zel a hrinchhuah thin avangin club lam hian hlim takin an siam tur a ni.

“A thawkchhuak ve t^wk tawh a, Pele, Cruyff, Mara-dona leh Ronaldo-te tih ang zawng zawng a hlenchhuak ve vek a, a danglam bikna chu a theihna a lanchhuahtir hun chhung hi tunhnai kum 15 mai niin, player tha zual bikte lansarh vak theih hun lai ni loin modern era-ah kha’ng thil zawng zawng kha khawvel a hmuhtir thei a ni.

“Tunah hian physically, tactically leh technically-in a tha ber dinhmunah a la ding m>k a, game tinah player thaber a la ni thei cheu bawk,” tiin a team-mate hlui chu a contract zawh hnuah pawh ngaithuahbuai ngai loa a hlimpui ngei tur contract thar sihhmuh leh ngei ngei tur a nih thu a sawi.

Xavi Hernandez hian a club hluiah coach ni chunga kirleh thuai chungchang a sawibo rih a, Qatar club Al Sadd a la chhuahsan mai loh chhan leh Nou Camp office a luah mai rih loh chungchangah club chhung inawpna lam la fuh tawk lo chu a chhan a nih thu a sawi.

Kumin January thlaa Ernesto Valverde an ban hnu khan Barcelona chuan an midfielder hlui Xavi hi coach atan sawm mah se Spaniard hian a hnial a, phur vak loin manager thar atan Quique Setien kha an senglut ta mai niin a lang!

Spain player hlui Xavi hian club president Josep Maria Bartomeu harsatna tawh mek chungchang tarlang telin, social media monitoring firm rawih leh April thlaa club-in hripui avanga player leh thawktute hlawh a chhawkthen dodalna chung-chang a sawichhuak.
Magazine pakhat Icon an tihah Xavi hian a club hluiin coach ni tura an sawmna a hnar chungchang sawi-chhuakin, “Club huang chhungah bengchheng a tam hle a, khelmual pawn lamah thil thleng a awm reng bawk a, tun hi manager ni tura luh hun tha ni theiin ka hre lo.
“January thla khan ka tan luh hun a la nih rih loh thu ka hrilh a, khami hnu khan min bepawp zui leh ta rih lo.

“Tawnhriat neih belh zel turaa ka hna ngai chelh chhunzawm rih leh keimaha chona awm hmachhawn rih hi hlimawm ka ti a, engtikniah emaw chuan Barca coach ni tura hun tha hi a inherchhuak ngei ka beisei,” a ti.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy