Daily Newspaper

Messi pa leh Barca president inbia

9

Nilaini khan Barcelona atanga chhuah ngen Lionel Messi pa leh a agent ni bawk Jorge Messi chuan Argentina atangin Barcelona khawpui a thl^wklut a, a fapa hmalam hun chungchangah Catalan club president Josep Maria Bartomeu nen hmaichhanah an indawr zui nghal.

Thawhlehni khan Messi hian kum 20 lai a vawn tawh club chu chhuahsan a duh thu ziakin a thlen a, Nou Camp atanga a chhuah duh thu hian football khawvel a luahkhat nghal a, a awm zel dan tur ngaihtuahin a career-a mi pawimawh pahnih Barcelona-ah an inbe zui ta a ni.

Spanish football journalist Guillem Balague chuan Nilainia inbiakna hmasaah thutlukna mumal siam a nih loh thu leh an inbiak leh hun tur tifel lo mah se indawrna a kal zui zel a beisei thu sawi chungin, “Engemaw laiah chuan inremna an thleng thuak mai thei a, Messi hi a chhuah ngei ka ring,” a ti.

Manchester City chu six-time Ballon d’Or winner lalut thei tura rinkai ber an ni mek a, hemi chungchang hi Balague chuan tarlang telin, Premier League club-in Messi an hmin tawh niin a sawi.

Messi leh Barca hi contract an ziah laia leichhuah dan an ziah (buy-out clause) chungchangah an innawr m>k niin a lang a, free transfer-a a chhuak thei dawn lo a nih chuan Nou Camp atanga Argentine hruaichhuak thei club hi an v^ng pharh dawn niin a lang a, City hian a thlawna an senglut thei lo a nih chuan leichhuah mai mai theih loh tura danna (buy-out clause) an ziahin a tarlan angin euro maktaduai 700 (£622m) tehreng an thehchhuah a ngai dawn.

Spanish football journalist Balague chuan tih tak taka City-in Barcelona captain neih dan an ngaihtuah thu BBC Radio 5 Live a hrilh.

Kum 2021 thleng daih tur Messi contract an ziah laia midangin an chhuhsak theihlohna tura hungna pawisa tam tham mangkheng an bilh tel rual hian season tawp lama free transfer-a a chhuah theih dan tur pawh dah tel a ni a, he lai bawr vel hi Barcelona leh Messi pa innnawrna m>kna lai pawh niin a lang.

Guillem Balague sawi zel danin Barcelona lamin euro maktaduai 700 lo chuan chhuahtir an tum lo a, Jorge Messi ve thung chuan dan lam behchhanin free-a chhuak thei an nih thuin tan a khawh a, Manchester City pawh hian pawisa tamtham lutuk s>nga Messi kawl hram hram chu an zuam bik chiah lo nia a ngaih thu a tarlang tel.

Chanchinbumi hian Messi chhuah ngei a rin thu sawi chungin, “Manchester City lam titi ka hriat r<kah chuan transfer fee-a euro maktaduai 100 thehchhuah hnua kum khata a hlawh tur euro maktaduai 110 senral leh bawk chu tlin an inti bik lo a, tun dinhmunah chuan City thlen ph^k tur chin leh engtiang chiahin nge an inhuam tih hi hriat theih a ni rih lo,” a ti.

Barcelona thlawhna tum-hmuna amah bawrtu chanchin-bumite’n professional level-a a club awmchhun chu a fapain a chhuahsan dawn em tih an zawt ng^wng ngawng a, Jorge Messi chuan, “Ka hre lo. Engmah ka hre lo,” a ti zet a, Barca captain tan a club ngaia cham zui a harsa dawn em tih an zawh zui leh t^k zelah chuan ‘aw’ tiin a chh^ng ta hram a, Messi hmalam hun an zawh zui zelna chu ‘harsa lutuk, harsa lutuk’ tiin a chh^ng.

Manchester City nena sawizaawm a nih chungchang an zawt tel bawk a, chu pawh chu Messi pa hian a la sawi tha duh lo khawp mai a, “Ka hre miah lo. tun dinhmunah eng thil mah a la thleng lo,” ti chungin Pep Guardiola nen pawh engmah an la sawidun loh thu a tarlang tel.

Thawhtanni khan coach thar Ronald Koeman-a hnuaia a vawikhatna atan Barcelona squad chuan training an tan a, Messi a inlan lo phawt.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy