Daily Newspaper

Messi tel lo Barcelona suangtuah ngam lo

8

Tunlai hian Catalan club atanga Lionel messi chhuah tum chungchangin Spanish football a luah hneh hle a, he boruakah hian Blaugrana star hlui pakhat Giovanni van Bronckhorst kha a tawngchhuak a, Messi tel lo Barcelona chu a suangtuah ngam lo tih sawiin, contract thar an puitlin theih ngei a beisei thu a tarlang tel.

Van Bronckhorst hian Argentine chu Nou Camp-ah ngei a chawlh hun nghak-chhuak se a duh a, one-club man an tih zinga tel ngei turin a duhsakpui tih a sawi.

Ballon d’Or chawimawina vawiruk ngawt dawng tawh Messi hian engemaw lai atang khan club sawiselna tawngkam a chh^kchhuak ve ta fo a, tunhnaiah contract thar ziak tura inbiakna pawh a titawp ta hial a, football khelh a chawlhsan hm^ ngeiin a naupan lai club Newell’s Old Boys-a kirleh tura sawirik a ni.

Kum 33 mi Messi hi Barca hotu lawkte chungah a lawm lo tih hriat a ni a, club hawi lamah a lungawi lo bawk a, squad chhunga quality chu sawiselin, tun season Champions League-a champion zo lo tur an nih thu pawh a lo sawichhuak hial tawh a, a hawiher leh tawng duh dan en hian Catalunya-a a hun tawp a hnai ve ta nia ngaihna a lian chho zel.

Tuna a contract neih lai hi nakum nipui th^wt ruala tawp ve tawh tur a ni a, Bar-celona player awm tawh zinga ropuiber hian Spanish football a mangtha dawn tawh em ni tih chu zawhna ngaih-ven hlawh a ni mek.

Manchester City leh Inter Milan tihte nen sawizawm a ni chho ve bawk a, mahse, Barca nena inzawmna thuk tak nei mi tamtak chuan South American superstar hi chhuak lo turin an ngai hlawm a, he club beh-chhan chung ngei hian a boot hlip hlen se tih an duh a, chu’ng zinga pakhat ex-Blaugrana defender Van Bronckhorst chuan Messi tel lo Barcelona chu suangtuah chi a nih loh thu a sawichhuak hial.

Dutchman hian kum 2003 atanga 2007, kumli chhung Barca tan khelin, khatih laia player la naupang tak Messi nen khan an inhmu hman a, chumi chungchang chu sawiin:

Kum 16 mi a nih lai atangin ka hre tawh a, tunah kum 33 mi a lo ni ve ta. Mihring mihrinna zawnah pawh mi ropui takah a chhuak a, chhungkaw pa diktak a ni a, a hmalam hun leh a chhuah chungchangah pawh thutlukna siamtu tur a ni. A chungchang chu amah ngeiin a titlu tur a ni ngei mai a, kei chu a tel loa barcelona kal tur hi ka suangtuah thei lo,” a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy