Colombian superstar Shakira leh Nigerian artist Burna Boy te chu Mexico-a 2026 World Cup Opening Ceremony-ah inlanin, kumin FIFA World Cup Official Song ‘Dai Dai’ an perform dawn tih an puang a, he opening ceremony-ah hian Alejandro Fernandez, Mana leh J Balvin te pawh an perform dawn tih an lo puang tawh bawk a ni.
Kumin FIFA World Cup hi ram pathum- Mexico, USA leh Canada ten an inthlen tawm a, Mexico-ah hian match hmasa ber an khel dawn a, June ni 11-ah Estadio Ciudad de Mexico (Estadio Azteca)-ah opening ceremony leh opening match hi neih a dawn a, USA leh Canada-ah te pawh June ni 12-ah opening ceremony an nei ve leh tho dawn a ni.
‘Dai Dai’ hi 2026 FIFA World Cup official song niin, a music video pawh an tichhuak a, mahse, Mexico-a opening ceremony hi Shakira leh Burna Boy ten live-a mipui hmaa he hla an perform-na hmasa ber a ni ang.
Opening Ceremony hi match tan hma minute 90-ah tan a ni dawn a, Shakira leh Burna Boy te hian show hi an headline dawn a, Belinda, Danny Ocean, Lila Downs, Los Ángeles Azules leh Tyla te pawh an inlan dawn a ni. Opening ceremony-a perform tur te hi FIFA 2026 World Cup official album-a hla nei vek an ni.
Shakira hi FIFA World Cup a zaithiam nlan ngun ber a ni tawh a, kumin hian opening ceremony bakah July ni 19-a MetLufe Stadium, New Jersey-a final match halftime show-ah a inlan dawn bawk a, World Cup-ah tum ruk a perform tling dawn ta a ni. Shakira hi 2006 khan Germany-a World Cup-ah inlanin “Hips Don’t Lie- Bamboo” a perform a, hei hi a hla hi “Hips Don’t Lie” version niin, 2010 khan South Africa-a opening ceremony-ah “Waka Waka (This Time for Africa)’ a perform leh a, 2014 khan Brazil-ah World Cup closing ceremony-ah “La La La” a perform tawh bawk.
Mexico-a 2026 World Cup Opening Ceremony-ah Shakira leh Burna Boy inlan dawn
