Daily Newspaper

Mexico in final an lut

7

Zirtawpni khan Gold Cup semi-final khelh a ni a, hun tawp dawn tep-a Herrera goal thun hmangin Mexico chuan Canada an hneh hram a, final an lut.

CONCACAF Gold Cup 2021 semi-fina-ah hian Mexico leh an khingpui Canada te hi an inhnehtawk hle a, goal lut pawh a awm lawk thei lo. He inelnaa champion ngun ber Mexico hian chawlhlawk dawn hnaihah penalty an hlawhchhuak hlauh. He penalty hi Orbelín Pineda chuan a pet goal a, si khat faia hmahruai chungin chawlhlawk an hmang.

Chawlhlawk hnu lamah Canada in bul an tan tha ve thung a, minute 57-naah Tajon Buchanan chuan goal thunin an si phurh a sut. Chak zawk awm thei lovin an innawr tawn zak zak a, goal thun ngei tumin team hnih ten tan an khawh. Hun pangngaiah chak zawk an awm thei dawn lo emaw tih hnuah Mexico an vannei a, minute 90+9-ah Héctor Herrera chuan hma an hruai nawn lehna goal a thun leh ta nawlh a. He goal hi chakpui in, final an inhlanghlai. Final-ah USA an hmachhawn zui leh dawn a, an trophy kawl mek humhim turin USA hneh ngei an tum ang.

Semi-final lehlamah USA chuan si khat faiin Qatar an hneh a, final an lut. Qatar an hnehna goal hi minute 86-naa Gyasi Zardes thun a ni.

Gold Cup hi kum 1963 atanga khelh tan a ni a; vawi 26 khelh a ni tawh a, vawi 11 champion tawh Mexico chu champion ngun ber an ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy