Daily Newspaper

MFA-in Gerrard-a pa a sun

24

Mizoram Football Association (MFA) chuan Thawhlehnia thi ta Francis Paul sunna thuchhuah tichhuakin, Mizoram football hma-sawnna atana theihtawp chhuah thintu Francis Paul-a’n min kalsan ta hi MFA chuan pawi a ti a, Mizoram football tan chânna nasa takah a ngai a ni an ti.

An thuchhuahin a tarlan zel danin, k“Kum 2008-a Mizoram Sub-Junior (U-16) Football Team, 31st National Football Championships for Mir Iqbal Hussain Trophy, Mahilpur, Pun-jab-a an champion tum khan Francis Paul hi manager a ni a, coach Lalthlengliana nen Mi-zoram team kaihruaiin, final-ah a thlengtu Punjab chu 1-0-in an hneh a ni.

Mizoram Football Association chuan kum 2013 May thlaah FIFA, AFC leh AIFF-te nena thawkhoin Grassroots Football a kalpui tan a, Francis Paul hi trainer hmasa berte zingah telin, Grassroots Develop-ment Officer hmasaber atan ruat a ni.

A kaihhruaina hnuai-ah kum 2014-15 khan Mizoram Football Asso-ciation chu All India Football Federation (AIFF)-in Best Grass-roots Development Programme chawi-mawina a hlan a ni. Coaching lamah AIFF ‘D’ License a nei bawk.

Mizoram Football Association-ah hun rei tak chhung executive committee member a ni a, Youth Development lamah a thawhhlawk em em a, football avangin vawi tam tak a feh-chhuak tawh thin.

Aizawla football tournament lian tak takah vawi duai lo TV commentary hna a thawk thin a, football bakah infiamna chan-chinthar thehdarh kawngah theihtawp chhuaha thawk thin a ni.

Mizoram Football Association chuan hun lo taka min kalsan ta hi pawi a ti takzet a, a kal-san a chhungte a tawrh-pui tak zet a ni tiin thuchhuah an siam.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy