Mizo Football News (MFN) chu MFA Women’s League 2023-24 champion an ni ta.
Nimin chawhnu khan Aizawl Sipai Lammualah Women’s League vawithumna final khelh niin, MFN hian 2-1-in an khingpui Kulikawn FC an hneh.
Kulikawn FC tan minute 5-naah defender Lallungmuani’n goal hmahruai a khung a, first half tawp dawnah Lalduhthlani Pachuauin Mizo Football News tan an siphurh a sut a; hun pekbelh (extra time) khelh a ngai dawn emaw tih a nih mek laiin, injury time-ah Lalduhthlani bawkin Mizo Football News tan khung lehin, a team a champion-pui ta a ni.
Champion team Mizo Football News hian trophy leh cheng singnga an dawng a; pahnihna Kulikawn FC-in trophy leh cheng singhnih an dawng thung.
MFA Women’s League final-ah hian khuallian Er. H. Duhkima, Director, PMU, PHE Department leh Jeje Lalpekhlua, MLA-te’n lawmman an sem.
Best player atan Mizo Football News innghahna lian thlan a ni a; goal 15 khung tling Lalsangpuii Sailo (SYS ‘A’) chu top scorer niin, fairplay award dawngtu chu Lalhmachhuani Memorial, Ramhlun South an ni thung.
MFA Women’s League champion MFN
