MHIP-in puan thui zirna din

MHIP North East Khawdungsei Branch chuan a thlawna puanthui zirna an buatsaih chu Lengteng bialtu MLA Dr L Thangmawia chuan August 11 khan a hawng.
MLA chuan NE Khawdungsei MHIP-in hun rei tak atanga an lo tum tawh, hmeichhia puanthui zir duh, Aizawl leh hmun danga zir ve thei si lote tana mahni khuaa zirna an buatsaih thei ta chu a lawmpui tih a sawi.
MHIP NE Khawdungsei branch hian hun rei tak atangin puanthui zirna buatsaih tumin puanthui khawlte an tuak chho bek bek a ni. Puanthui khawl panga an neih tawh sa bakah bialtu MLA hian panga dang a pek belh a ni.
Tum khatah an khawl neih zat, mi 10 zelte tan training an buatsaih dawn a. A hmasa ber atan mi 10 puanthui zir tur thlan an ni tawh a, vawiin – August 14 hian an zir tan dawn a ni. Tun tuma mi 10 training an pek zawh hnuah pawh a remchan dan angin a batch dang an kalpui leh zel dawn a ni.