Mi 300 chuang state huapin
Mizo infiamnaah inel dawn
Mizoten kan pipute atanga tualchhunga infiamna kan neih thenkhat hmangin district tina a titha zualte chu state huapin an inel dawn am, infiammi 300 chuang an tel dawn.
Mizoram Indigeneous Games (MID) 2024- 2025 hi Doordarshan Kendra leh Mizoram Indigeneous Games Association (MIGA) huaihawta neih a ni a. Nikum lam khan district hrang hrangah district huap inelna buatsaih tawhin, heta a titha zual hi state huapin an inel leh dawn a ni.
State huap inelna hi Chaltlang Field Aizawlah March 19-21 chhung hian neih a ni dawn a. Inelna tur hi – mipa tan inbuan, insuknawr, insaihruipawh leh inarpathai (team) bakah hmeichhe tan inkawibah (team) a ni. Inbuan, insuknawr, insaihruipawh bik hi pate, palaihawl leh palian huangah then niin, a dang pahnih hi team-a inelna tur a ni thung.
He inelna hi Mizo infiamna bik a thih mai lohna atana buatsaih a ni tih Doordarshan leh MIGA lam chuan an sawi a. Lawmman atan hian sumfai bakah certificate leh medal a kengtel tih an sawi a ni.
District inelnaah hian Siaha-ah Mara Thalai Pawl Gen. Hqrs. thawhpuiin Lawngtlaiah Central Young Lai Association an thawhpui a, chibil infiamna pakhat ve ve telh niin, hei erawh grand finale-ah hian a tel tawh lo thung. District dang zawngah Sub-Hqrs. YMA thawhpui an ni.
Mi 300 chuang state huapin Mizo infiamnaah inel dawn
