Daily Newspaper

Mi 3078 hnenah agriculture loan nuai 2472.71 pe

15

2019-2020 sawrkar kum chhung khan Lunglei district-ah bank-ten kuthnathawktu mi 3078 hnenah agriculture loan cheng nuai 2472.71 an pechhuak.

Nilaini khan Lungleiah District Consultative Committee/ District Level Review Committee/ District Level Security Committee quarter khat – 2019 December leh 2020 March inkara hmalakna thlirletin an thukhawm a. District lead bank, NABARD, bank hrang hrang manager-te leh line department hrang hrang aiawhte an tel ani.

He thutkhawma tarlan danin, bank-in deposit a dawn atanga loan a pekchhuah zat – Credit Deposit Ratio chu December 2019 quarter-ah 46.64% niin March 2020 quarter-ah 53.22% a ni.

Prime Ministers Employment Generation Programme (PMEGP) ah hmalakna a tha thawkhat tih sawi a ni a. Kuthnathawktu mi 3078 hnenah agriculture loan cheng nuai 2472.71 pe in, sumdawng mi 1957 hnenah MSME loan (manufacturing leh services) nuai 5866.23, mi 11 hnenah education loan nuai 61, mi 275 hnenah bank hrang hrangten loan nuai 583.96 an pe chhuak a. Chhungkaw 1803 hnenah housing loan nuai 13,616.34 pek a ni.

Women Self Helf Group (SHG), World Vision leh MZSRLM chuan hrileng vangin hma an la chaklo tih an sawi a. 2019-2020 financial year chhungin SHG 106 hnenah loan cheng nuai 98 pek a ni.

Sawrkar laipui hmalakna, khawpuia chengte in sak tanpuina – Pradhan Mantri Awas Yojana hnuaia housing loan chu bank thenkhatin an tih that viau laiin, bank thenkhat chu tan an lak a tul tih sawi a ni a. 2019-2020 chhung hian chhungkaw 133 hnenah PMAY loan nuai 555.93 pek chhuah a ni. Khawpuia miretheie emaw mirethei pawlte hnenah emaw anmahni eizawnna leh sumdawnna tenau an din theihna tur – Loan Self-Employment Programme under NULM scheme hnuaiah mi/pawl 100 hnenah cheng nuai 258.27 pek a ni bawk.

Heng loan tarlante hi Lunglei district huamchhunga bank 19-te pek chhuah a ni.

Bank hrang hrangten bank security an neih bakah CCTV, fire extinguisher, alarm system leh police patrol log book te dahin an enkawl that thu an sawi a. Lunglei District Police-te nen hemi kawnga thawhhona tha tak an neih thu an sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy