Daily Newspaper

Mi 9750 hnenah puihna hlan

7

Covid-19 hrileng dona kal zela inkharkhip vanga khawsak harsa chhungkuate hnenah Chief Minister’s Relief Fund thawh lina chu Aizawl district bawrhsap office chuan Aizawl Municipal huamchhunga cheng chhungkaw 9750 hnenah Rs 1500 theuhin a semchhuak.

AMC huamchhung zone 10-ah thenin zone tina incident commander-te kaltlangin task force-te kutah puihna hi hlan a ni a. Task force hian a dawng turte hnenah an lo hlanchhawng leh a ni. Puih ngai chhungkuate hi bawrhsap chuan incident commander-te kaltlanga thehlut turin task force-te a hriattir thin a, hun tiam chhunga puih ngai list dawnte chu Committee on Utilization of Chief Minister’s Relief Fund for Covid-19 ngaihtuah turin thehluh thin a ni. Sanction a awm veleh a dawng tur ten rang taka an dawn theihna’n bawrhsap office chuan theihtawpin hma a la thin a, incident commander-te hian an bial theuha task force-te kutah sumfai hi an hlan thin a ni.

Hemi rual hian CMRF atang thoin task force 31 hnenah puihna Rs 20,000 theuh hlan a ni a. Covid-19 hrileng tuar na deuh veng leh containment zone-a hun rei tak atanga puan tawh vengte thlanchhuah niin, heng veng task force-te hi puihna dawng tura ngensak thin an ni. Mitdel khawlaia zai thinten puihna an dil pawh Committee on Utilization of CMRF for Covid-19 chuan Rs 2000 theuhin mi 8 hnena pek turin bawrhsap hnenah a hlan a, Persons with Disability commissioner kaltlanga sem tura tihfel a ni tawh bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy