Daily Newspaper

Mi harsate mil deuha ruahmanna siam phut

16

Civil Hospital Aizawla inentir thei chin bithliah siam chu damlo mi harsa zawkte tan inentir theihna kawng a zim hle dawn nia sawiin, total lockdown a nih loh rau rau chuan ruahmanna thar siam leh zawk turin sawrkar an phut tih MPC Thalai chuan an sawi.

Thuchhuah siamin MPC Thalai Gen. Hqrs. chuan, Aizawl Civil Hospital hotuten an hospital chu Covid leng mek inkaidarhna hmun hlauhawm ber pakhat a ni thei tia an sawi chu inthlahdul thei kan la nih lohzia tichiangtu a ni tiin, khua a tlai hmaa inkharkhipna chungchanga hmalakna thar nei leh thuai turin Mizoram sawrkar a phut tih a sawi.

Damlo, natna leh bawrhsawmna in a tlakbuakte tan Aizawl Civil Hospital-a inentirna kawng a ping ta hle nia ngaiin, inkharkhip bur a nih loh rau rau chuan, tuna inentir thei chin bithliah siam anga kal chu, khawsak harsa zawk leh daikil kar amite tan chuan inentirna kawng a zim hle dawn nia a hriat thu MPC Thalai hian sawiin, ‘Rualkhai taka damlote tana inentir theihna kawng zau zawk hawng leh turin Mizoram sawrkar kan phut a. Damlo inentir mamawh ngawih ngawihte hrek zawnga kal loin, inentir tura kalte an tam emaw an tlem emaw, uluk zawka inkaihhruaina leh invenna lamah hmalakna, chak taka kalpui zawk turin Mizoram sawrkar kan phut a ni,’ a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy