Daily Newspaper

Mi nawlpui sample enfiah

11

Covid-19 hrileng laka inven nan Thawhtanni khan rinhlelh vang ni chuang lovin mi nawlpui ‘swab sample’ lain ‘random test’ neih a ni a, hei hi chhunzawm zel tum a ni tih thu dawn a ni.

Health department atanga thu dawn danin a tan ni hian hmun 10 velah an ‘test’ a, veng pakhatah mi 20 zel sample lain, RT-PCR hmanga en tur a ni.

Hei hi Covid-19 laka invenna a nih thu, he natna hi mipuiah a darh tawh em tih hriat tumna a nih thu health department hotute chuan an sawi a, sample an lakte hi an insawisel vang emaw an inrinhlelh vang emaw a nih loh thu an sawi bawk.

Eichawp zawrhna dawrnghak te, taxi leh city bus khalhtu te, two wheeler taxi khalhtu te, local task force hruaitu te, traffic police te, veng khata mi dang nena inhnimhnai deuh tura ngaihte an enfiah a, Aizawl veng hrang hrangah hei hi tih zel an tum.

Veng zawng zawng chu tuam sen a ni dawn lo a, mi lun deuhna te, positive awmna te, contact tracing tih a ngaihna veng te, ‘risk’ nei deuh nia hriatte tuam an tum tih thu dawn a ni.

Rinhlelh vang leh dam loh vang a nih loh avangin sample endikte tan hian inkhung hran zui pawh a ngai dawn lo a, sample endikna senso pawh sorkarin a tum dawn a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy