MiCA in hruaitu thar an thlang
Mizoram Cycling Association (MiCA) chuan Zirtawpni khan Synod Conference Centre, Aizawl ah General Body Meeting vawi hnihna an hmang a, kum hnih chhunga an pawl hruaitu tur an thlang thar. MiCA hian thirsakawr khalhmi, mi panga hnenah chawimawina an hlan a; season thara an pawl hmalakna tur hrang hrang ruahman lawk te an thlirho bawk.
MiCA rorel inkhawmpui vawi hnihnaah hian Mizoram Cycling Competition neih thuai tura ruahman a nih chungchang te, Tour de Hmuifang chu kumtawp lama buatsaih leh ngei an tum thu te, Inter School Cycling Competition chu zawngchhangthlak an tih thu leh kumthar tira huaihawt leh an tum chungchang te, Sakawrhmuituai Downhill Challenge pawh kumthar lama buatsaih leh tum a nih chungchangte an thlirho a. Pawl inkaihhruaina dan siamrem hret an remti bawk.
MiCA hian thirsakawr khalhmi heng mite hnenah hian chawimawina an hlan.
Pu C. Lalawmpuia, Dawrpui, Aizawl atanga thirsakawr ngata Kolkata inkhalh thleng thei, hemi hnua hun bituk chhunga kilometre thui tak, khawvawt leh khawlum hnuaia tlan chhuak thei, BRM 200KM Guwa-hati, BRM 300KM Kolkata, BRM 400KM Delhi leh BRM 600KM Kolkata a tlan chhuah avanga Mizote zinga Paris atanga Super Randon-neur title dawng thei hmasa-ber leh awmchhun.
Vanlallawmzuala Varte, Mission Veng, Lailapur atanga Simeinasora (Three country Point 665km), Mizo-ram hmartawp atanga Chhimtawp thirsakawr a tlan a, thirsakawr hmanga Zoram dung leh vang fang chhuak a, Tourism tilar a, entawntlak taka hun hmang thin.
Michael Laldinsanga Ralte, Mission Vengthlang Kum 2014 a Shillong Downhill a Winner lo ni tawh, kum 2019 a Himalaya MTB Challenge a lo tlan tawh leh 2022 Arunachal Moopin Race a pakhatna lo ni tawh.
Mesak Vanlalvena, Sihfa, Tour de Hmuifang a vawi hnih champion tawh, MTB Mizoram Winter Challenge a vawi hnih champion tawh, “NE Olympics 2022 XC Elite Men’s Bronze Medalist.
Vanlalruata, Tuirial, 2022 NE Olympics XC Junior a Bronze Medalist, Sakawrhmuituai Downhill challenge 2021 a pahnihna, Tour de Hmuifang 2022 Junior a pahnihna, 1st Inter School Cycling Competition 2022 High School Category a pakhatna.
MiCA hian kum 2023-2025 chhunga pawl hruaitu atan heng mite hi an thlang:
Dr. Franklin Lalrinngheta, Electric Veng, PC Lalramengmawia, Mission Veng, Lalrinfela, Ramhlun Venglai, Joseph Lalrinawma, Mission Veng, Frederick Malsawmzuala, Leitan leh David C. Vanlalfakawma, Zemabawk.
MiCA in hruaitu thar an thlang
![](https://theaizawlpost.org/wp-content/uploads/2023/03/mica.jpg)