Kum 56 kal ta, July ni 13, 1967 khan Michael Jackson leh a unaute chu Chicago-a One-derful studio-ah kalin, a vaw khat nan hla an record a, chuta an hla record chu ‘Big Boy’ tih a ni a, tape-a ngaihthlak theih tura The Jackson 5 hla record hmasak ber niin, Michael Jackson aw pawh tape-a ngaihthlak theih tura studio-a record vawi khatna a ni.
Tichuan, he hla hi a vawi khat nan digital release a ni dawn a, December ni 7 atangin ‘Big Boy (One-derful Version)’ hi limited-edition release angin fans lamin an lei theih turin an tichhuak a, ni li chhung chiah an zuar chhuak dawn a, ‘open edition’ chu dollar 25 man a ni a, ‘limited edition’ chu dollar 100 man niin, hetah hi chuan open edition-a awm zawng zawng bakah artwork design thar leh hla dang pakua an dah tel thung.
‘Big Boy (One-derful Version)’ studio master recording hi 2009 khan journalist Jake Austen-a hmuhchhuah a ni. He hla hi a re-recorded chu The Jackson 5 single hmasa ber angin Steeltown Records-in January 1968 khan an tlangzarh a, tuna an tlangzarh thar tak hi chu ‘One-derful Version’ a, an tlangzarh tak loh, mahse, an record hmasak ber a ni.
Michael Jackson studio recording hmasa tlangzarh dawn
