Daily Newspaper

Michelle Obama-in Trump hnawl turin ngenna siam

8

Michelle Obama chuan Democrats tena White House luahtir tura Joe Biden an chhawp chhuahna kal zelah US Preisdent Donald Trump chu na takin a sawisel.

“Donald Trump hi kan ram tana President fuh lo a ni,” tiin US first lady hlui chuan Democratic convention neihnaa thuchah a thawnah a sawi lang.

Republican party mi leh sa Trump-a’n a tihlungawilohte pawhin Democratic party conference neihnaah hian Trump chu an sawisel bawk.

Opinion poll-a Biden aia hniam zawk mek Trump chuan a chhang let zui nghal thung.

Coronavirus leng mek avangin Democrats te chuan puitham leh lian taka chetlakna an nei thei lo va, hetiang bawkin Republican te chuan karleha convention an neih hunah pawh an che na thei dawn bik lo.

Michelle Obam-i’n eng nge a sawi?
Obama chuan na taka Trump sawiselin, “He hna thawk tur hian a lemin i kal reng thei lo,” tihialin a sawi a.

“Kan president berin virus a ngaih hoh rei em avangin kan economy chuan harsatna nasa tak a tawk mek a ni,” a ti bawk a.

“Thil dik tak mihang nunnain hlutna a nei tih mai te chu kan ram thuneitu sang ber atangin nuihzabura hman a ni,” tiin Michelle Obama chuan a sawi bawk a.
“White House atanga hruaina kan thlir laiin kan chan zawk chu buai nuai nuai, inthenhran leh khawngaihna neih loh a ni zawk,” tiin a sawi bawk a.

Tun hnai kum li chung chu America naupangte tana sawifiah harsa tawp a nih a ti bawk a. “Kan hruaitu tena khua leh tui te ram hmelma an tih an hmu a, chutih rualin white supremacist-te chu an tihuangtau thung a,” a ti.

“Hlauhlawpin naupangte an chhungkua atanga pawt hranga bawma khung an hmu a, pepper spray leh rubber bullet te chu buaina siam lova lungawilohna lantirtu te lakah an hmang a ni,” a ti bawk.

Michelle Obama chuan, “Donald Trump hi kan ram president atan a fuh lo. Tlin taka hnathawk thei turin hun a ngah tawk a, mahse, a theihnain a tlin lo a ni,” a ti a, “Amah hi kan mamawh a ni thei ngang lo,” tiin a sawi.

Michelle Obama chuan Biden chu ‘rintlak leh zahawm tak’ tia sawiin Democratic White House candidate chu a pasal Barack Obama hnuaia vice-president ni tawh experience nei tha a nih thu a sawi a.

“Kan nun zel dan tur amahah a innghat tih rilru pu chunga Joe Biden kan vote a ngai a ni,” tiin a sawi bawk.

Democratic convention hawnnaah hian darkar hnih chhung programme hman niin Desperate Housewives actress Eva Longoria Baston chu host atan hman a ni a.

Kum 2016-a Trump khingtu Ohio governor hlui John Kasich chuan message record sa hmangin Americans te chu Trump hnawl turin a ngen a.

Kasich chuan Biden a thlawp thu sawiin, “Kan rama thil thleng kan hre vek a, zawhna tam tak kan nei a, mi pakhat emaw party pakhatin emaw chhanna a nei vek thei lo. Mahse, vawiina kan thil hmuhte ai hi chuan kan che tha thei zawk a ni,” tiin a sawi.

Left-wing Vermont senator, Biden a elpui ber hlui Bernie Sanders pawhin, “Kan democracy hmalam hun hi derthawngah a awm a. Kan economy hmalam hun a derthawng a, kan chenna lei hmalam hun pawh a derthawng a,” a ti a, “Rome alh laiin Nero- a’n tingtang a tum a. Trump chuan golf a khel,” tiin a sawi.

Trump chhanletna
Swing-voting state Minnesota leh Wisconsin fanga a haw lamah Trump chuan Kasich chu na takin a chhang let thung a.

“Republican ah hlohtu a ni a, Democrat-ah pawh hlohtu tho tur a ni,” tiin Trump chuan a sawi a, “He pa hi Republican lai pawha major loser a ni,” tiin a sawi.

Minnesota a thusawina a neihaah pawh Trump chuan Biden-a’n chakna a chang a nih chuan news outlet te chuan audience an nei lo mai ang tiin a sawi bawk a.

“Tute mahin sleepy Joe hi an buaipui peih lo,” tia sawiin, “Socialist ram boring zet hremhmun kal mai turah kan chhuak mai ang,” tiin a sawi bawk.

Coronavirus avanga US economy tlahniam nasa chu vanin amah fiah nana a thlentir a nih thu a sawi bawk.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy