Sikula naupang chawchhun tur eirawngbawltute October ni 1 a\angin an nuar dawn tih thu a darh a, hei hi thudik tawk lo a ni a, an nuar rih lo tih thu dawn a ni.
Sorkar sikul, primary school leh middle school tea midday meal cook-te hian lawmman an dawng lo rei tawh a, naupang ei tur leina tur hi sikulin an dawng lo rei tawh bawk. Hei vang hian October ni 1 a\angin cook-te hi chawl rih mai se tih thu a awm a, mahse sorkar an nghah leh tak avangin an nuar rih lo.
Thu dawn danin, cook-te hian February thla hnuah lawmman hi an dawng tawh lo a, naupang ei tur leina tur pawh sikulin an dawng mumal lo rei tawh. Sikul lamin naupang chawchhun pek hi chawlh rih mai ni se tiin an rel a, mahse thuneitute nen inbiain, sorkar ngaihchan an rel ta zawk a ni.
Sikul thuneitu lam a\angin cheng nuai 64 nghah tur a awm a, chu chu an nghak nia hriat a ni. He pawisa hi thil kalsual avanga thil danga kal a ni a, sorkarin chu chu pawh kir leh a tum mek a, chu chu an nghak tih thu dawn a ni.
Midday meal hi sikul hrang hrangin pawisa an dawn loh avangin mahni thiam dan danin hun engemaw chen an kalpui tawh a, zirtirtu pawisa thawhkhawm an awm a, sikul sum awm ang ang hmang te pawh an awm. Buhfai chu an hmu \ha a, thil danga senso tur leh eirawngbawltute lawmman tur hi hun engemaw chen an hmu \ha lo tawh.
Midday Meal cook-te nuar rih lo
