Middle East lamah damdawi lam thil India in thawn

Middle East lamah damdawi lam thil India in thawn
Middle East a buaina chhuakin ziaawm lam a pan theih loh avang leh civil mi tam takin nunna an chan tawh avangin India chuan damdawi lam hmanrua ton 30 chuang zet a thawnchhuak.
Hengte hi Palestina ram thleng phawt tur niin, a tul angin tanpuina hi pek kual tur a ni dawn a, heng nitin mamawh damdawi hrang hrang bakah hian cancer dona damdawite pawh a tel niin India chuan a sawi.
Ministry of External Affairs thupuangtu Randhitr Jaiswal chuan India in Palestine mipuite chu a ngaihsak reng dawn a, Israel nen an indona chu reh thuai se a duh thu sawiin, pawisawi lo tam takte tan India chuan chetchhuah a inhuam reng thu a sawi bawk.
Jaiswal chuan heng India damdawi thawn ho hi United Nations Relief and Works Agency for Palestine Refugees in the Near East (UNRWA) kaltlangin Palestine mipuite tana thawn a nih thu a sawi.
Report thenkhatin a sawi danin Gaza hmar lama Israel beihna avang hian Palestinian mi 1,000 chuangin nunna an chan tawh a, chhungkaw khata cheng thenkhat boral vekte pawh an awm tawh nia sawi a ni.