Daily Newspaper

Milan tan Ibra bawk langsar leh nghal

9

Thawhtanni zanah AC Milan chuan Serie A season bul an tan ve ta a, veteran striker Zlatan Ibrahimovic’s goal hnih thun hmangin an mikhual Bologna lakah 2-0 hnehna an chang a, point thum hmu chunga bul tan team panga zingah table-a pathumna luahtu an ni.

He thu buatsaih lai hian Atalanta, Benevento, Inter Milan, Lazio, Spezia leh Udinese-te’n an league game hmasaber tur an la khel lo.

San Siro stadium in-khelah Theo Hernández siamsak atangin Ibra-himovic chuan darkar chanve pelh hnu lawkah goal hmahruai a thun a, second half tir lamah penalty atanga goal khat dang chhuihlut lehin, ti hian, kum 38 mi ni tawh Swede hian top flight season 22 chhung goal a khung ta a ni.

Milan striker tlo mangkheng hian goal khat dang thun theihna hun remchang pawh hmuin, a tir lamah bete bawk lek tak takin goal ban veilam sirah a chhuihchhuak hlauh a, chuti chungin a hminga goal hnih ziahluh a ni ta tho a, Serie A game a khelh hnuhnung vawngaah match thum chu game tinah goal hnih a thun tling a, kum 40 tlin dawnah pawh forward ni chungin goal thun a la thulh thei lo a, Serie A season thara an bultanna match hmasabera season li chhung goal a khungna a ni ta bawk a, he Ibrahimovic zet hi chu khawvela striker tlo berte zinga pakhat chu a ni chiang mai.

Milan tan hian Real Madrid atanga loan-a an sengluh Manchester City forward hlui Brahim Diaz pawhin he game-ah hian a debut a nghakchhuak a, chak chungin a team tharah bul a tan.

Milan goalkeeper Gianluigi Donnarumma a langsar bawk a, he game-ah hian second half-ah vawi duai lo Bologna goal tur dangin, mikhual team hian an siphurh sut zawh tumin hun tawp lamah an nawr na f< dawn a, minute 89-ah an left-back Mitchell Dijks chu yellow card vawihnih hmuh vanga hnawhchhuah a ni.

Season liamta khan Stefano Pioli team Milan hian parukna luah phain, champion Juventus nen point 17-in an inthlau a, kartawp Pathiani hian Crotone an luhkhung ve leh ang.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy