Daily Newspaper

Milar zinga kumin a sum thawk chhuak tam ber Kylie Jenner

15

Sum leh pai lam ziahna magazine Forbes chuan kumina milar sum thawk chhuak hnem zual 100 list an tichhuak leh ta a, Kylie Jenner chu No.1 niin, Kylie u Kim Kardashian-i pasal Kanye West chu No.2 a ni ve thung.

Forbes-in 100 Highest-Paid Celebrities of 2020 list an tihchhuah tharah hian top 10-ah infiammi panga an lang a, musician leh Hollywood star pakhat ve ve an lang bawk.

Milar sum dek chhuak tam zual 100 te sum deh chhuah belhkhawm hi dollar tluklehdingawn 6.1 a tling a, 2019 aiin dollar maktaduai 200-in a tlem zawk a, hei hi Covid-19 hripui lengin a nghawng niin an ngai.

Forbes chuan Kylie sum dehchhuah hi dollar maktaduai 590 niin an chhut a, a sang fal hle a, a dawttu Kanye West hian dollar maktaduai 170 a thawk chhuak hman niin an chhut bawk. Kanye West-a nupui Kim Kardashian pawhin dollar maktaduai 49.5 hlawhin No. 48-ah a lang pha.

Kylie sum hmuhna lian ber chu a cosmetics firm Coty-a 51% share a hralhna niin, Kanye sum hmuhna lian ber chu Adidas nena an sumdawnna Yeezy sneaker deal a ni ve thung. Forbes hian milarte sum thawhchhuah hi chhiah leh fee hrang hrang an pek hma angin an chhut a ni.

No.3 chu tennis star Roger Federer niin, dollar maktaduai 106.3 thawk chhuak angin an chhut a, ani hi infiammi zinga sum thawkchhuak hnem ber a ni nghal a, footballer Christiano Ronaldo chu No.4 niin, dollar maktaduai 105 a thawkchhuak a, footballer dang Lionel Messi-a’n dollar maktaduai 104 hlawhin a dawt.

Kumin list-ah hian hmeichhe tennis star Naomi Osaka chu No.90 niin, dollar maktaduai 37 a hlawh hman a, kum khat chhunga hmeichhe infiammi sum thawkchhuak tam ber record a la ni. Podcasting pawh a vawi khat nan list-ah a rawn lang ve ta a, Bill Simmons chuan a podcast company The Ringer a hralhna atanga a hlawkna dollar maktaduai 82.5 chu No.13 a nih pui thei.

Forbes Highest-Paid Celebrities 2020 Top 10
($ in million):
1 KYLIE JENNER $590M
2 KANYE WEST $170M
3 ROGER FEDERER $106.3M
4 CRISTIANO RONALDO $105M
5 LIONEL MESSI $104M
6 TYLER PERRY $97M
7 NEYMAR $95.5M
8 HOWARD STERN $90M
9 LEBRON JAMES $88.2M
10 DWAYNE JOHNSON $87.5M

Musician he list-a lang dang te chu ($ in million):
Elton John (No. 14, $81M), Ariana Grande (No. 17, $72M); Jonas Brothers (No. 20, $68.5M); The Chainsmokers (No. 21, $68M); Ed Sheeran (No.23, $64M); Taylor Swift (No.25, $63.5M); Post Malone (No. 28, $60M); Elton JohnThe Rolling Stones (No. 32, $59M); Marshmello (No. 35, $56M); Diddy (No. 37, $55M); Shawn Mendes (No. 39, $54.5M); Jay-Z (No. 42, $53.5M); Billie Eilish (No. 43, $53M); BTS (No. 47, $50M); Drake (No. 49, $49M); Jennifer Lopez (No. 56, $47.5M); P!nk (No. 57, $47M); Rihanna (No. 60, $46M); Luke Bryan leh Lin-Manuel Miranda (No. 62, $45.5M ve ve); Backstreet Boys (No. 64, $45M); Phil Collins (No. 64, $45M); Will Smith (No. 69, $44.5M); Blake Shelton (No. 70, $43.5M); Celine Dion (No. 73, $42M); The Eagles (No. 75, $41M); Metallica (No. 78, $40.5M); Travis Scott (No. 82, $39.5M); Katy Perry (No. 86, $38.5M); Lady Gaga, Bon Jovi leh U2 (No. 87, $38M theuh); Paul McCartney (No. 91, $37M); DJ Khaled leh KISS (No. 95, $36.5M ve ve)

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy