1938-a an tichhuah tawh milembu a Superman lanna hmasa ber ‘Action Comics No.1’ an lilam a, dollar maktaduai 6-in an hralh a, milembu hralhto ber a la ni. He milembu hi Heritage Auctions-in Ningani kalta khan an lilam a, hetiang milembu hlui that dan endiktu collectible-grading service CGC-in an endik thlap niin, grade tha tak ‘Very Fine+ 8.5’ an pe a, Action Comics No.1 grade hmuh san lama pathumna a ni.
CGC chuan Action Comics No.1 hi khawvelah hmuh tur copy 100 vel chauh a awm tawha an hriat thu an sawi a, bu 78 chu grade an pe tawh nghe nghe a ni.
He milembu hi khawvelin superhero a hriat hmasak leh a hriatlar ber te zinga mi Superman milembua a lanna hmasa ber a ni a, milembu hralhto theih ber a la ni a, a hmaa hetiang record siamtu chu Superman No.1 niin, 2022 khan dollar maktaduai 5.3-in an hralh a, chumi hma lehah record siamtu chu milembu-a Spider-Man lanna hmasa ber ‘Amazing Fantasy No.15’ niin, September 2021 khan dollar maktaduai 3.6-in an hralh ve thung.
Milembu manto ber
