Mizoram state pumah September 30 hian Mim Kut 2024 hman a ni dawn.
He Kut hian Mizote hnam ziarang leh nunphung entira a chawilar avangin Mizoram sawrkar hnuaia thawktu leh state sawrkar hnuaia public sector undertaking, board, body leh agency hrang hrang chu September 30 hian office hun chhunga Mizo thuam inbel turin General Administration Department (GAD) chuan a ngen a; administrative head leh head of department zawng zawng chu an department hnuaia official leh thawktute hriattir tura ngen an ni.
Mizorama Mim Kut hmanna pui ber chu September 30 hian sawrkar ruahmanin Vanapa Hall Aizawlah hman a ni dawn a. Aizawla sawrkar hnathawkte chu controlling officer-te remtihna la hmasain Mim Kut hmannaa an tel sawrkar chuan a phalsak a ni.
Mim Kut hmang dawn
