MIMA-in Central YMA thlawp

Dan loa hnamdang sumdawngte tihtawp tuma Central YMA hmalakna chu sumdawng pawl – Mizoram Merchant Association (MIMA) chuan an thlawp tih an sawi.
MIMA Gen. Hqrs. thuchhuak chuan, Mizoramah dan loa hnamdang sumdawng an tam tawh hle a, Mizo min la dip ral thuai dawn tih leh state dangte enin economic assimilation kan hlat lo hle tih chu an ngaihdan a nih avangin an mang a ang hle a; chutihlaia Central YMA-in dan loa sumdawngte dap chhuakin, amn sumdawnna titawp tura hma an la chu Mizoram leh hnam hmangaihna tak tak a nih avangin lawmawm an ti hle tih a sawi.
Central YMA-in Mizo hming hawha hnamdang sumdawngte leh Mizo, sumdawnna atana hnamdangte hnena an hming hawhtirtute April 10 atanga chhiara ni 30 chhung hun a pek a ral hnu pawha, he thu zawm duh loa luhlul la chhuah tlattute chu MIMA chuan a dem takzet tih sawiin, ‘Mizo, sumdawnna atana an hming hawhtirtute hi hnam hralhtute an ni tih inhria a, hetiang sumdawnna hi ti tawh lo turin kan ngen a ni,’ a ti.
Central YMA hmalakna an thlawp a, a tul angin an thlawp zel dawn tih MIMA hian an sawi a ni.