Mizoram Merchant Association (MIMA) leh Synod Social Front chuan Mizorama dan loa hnamdang sumdawngte chungchang an sawi dun.
MIMA office New Market-ah Synod aiawhin, Synod Social Front atangin mi pathum – assistant coordinator Albert Lalhmangaiha bakah Executive Comittee member pahnih – Upa Kailiana Ralte leh Upa R Zirrokunga te chu Thawhlehni khan an leng a. MIMA office bearers-ten an lo dawngsawng.
Nikum Synod Inkhawmpuiin a lo pass tawh, “Mizorama hnamdang dan loa sumdawng tih rem” chungchanga hmalak dan tur an sawiho a. Synod meuhin Mizorama hnamdang dan loa sumdawng a vei leh MIMA office-a an lenchilh chu an lawm hle tih MIMA hruaitute hian an sawi.
Synod Social Front aiawhte nen hian inkawmin, tualchhung kohhran tina awareness neih, sawrkara ngenna thlena sawrkarin a tih tur awm chi thlen, Mizo sumdawngten customer care zir zel, hnamdang /refugee hausa zawkten mi sumdawnna dawr man sang zawka inlan a reh deuh theih dan tur leh thildang an sawiho a ni.
MIMA leh Synod-in dan loa hnamdang sumdawngte sawi
