Myanmar junta chief chuan ethnic armed group te hmun hrang hranga Myanmar sipaite nena indo mekte chu political solution neihpuiah a sawm niin state media chuan a tarlang.
Myanmar sipaite leh ethnic armed group te chu a bikin China, India leh Thailand ramri hnaihah an inbei nasa hle a, Junta tena kum 2021-a rorelna an chan hnua an dinhmun chhiat lai ber tih a ni.
Junta chief Min Aung Hlaing chuan ‘armed organisation te hian mawl an chhuah zel chuan heng lai region a mipui te chuan an tuar nasa dawn a ni’ tiin Global New Light of Myanmar chuan a sawi a.
“Chuvangin, mipuite nun ngaihtuah a ngai a, heng pawl te hian an harsatna te politics a chinfel dan an ngaihtuah a ngai,” tiin a sawi bawk.
Myanmar-ah hian ethnic minority armed group thahnem tak awmin a thente phei chuan kum 1948 a British atanga a indan hnu atangin Myanmar sipaite nena indona tun thlenga la kalpui reng an ni.
October thla tawp lam khan armed group pathum inthurual te chuan northern Shan state ah inthurualin sipaite an bei a, China nena inrina bula sumdawnna hmunpui khua te chu an la zui a ni.
October thlaa indona nasa zawk chhuah atang khan civilian nunna chan 250 chuang an awm tawh tiin United Nations field reports chuan a tarlang a. Myanmar ram chhungah raltlan 500,000 chuang an awm tawh tiin UN chuan a sawi bawk.
Aung San Suu Kyi sorkar paihthlak a nih hnuah ‘people’s Defence Forces’ din niin sipai te nen khawchhak leh hmar lamah an inbei nasa hle a ni.
Kar kalta pawh han PDF fighters te chuan eastern Kayah state capital chu sipaite an chhuhsak thu an puang bawk.
Min Aung Hlaing-a’n armed group-te vau
![](https://theaizawlpost.org/wp-content/uploads/Untitled-403.jpg)