Daily Newspaper

Minister-in khaw hrang hrangah tiam

23

Minister Robert Romawia Royte chuan Sailulak, Leng leh East Lungdar khuate tlawhin khawtlang hruaitute nen helai bial hmasawnna tur thil pawimawhte an sawi honaah thil hrang hrang a tiam.

Sailulakah hian khawtlang hruaitute rawt angin BADP sum hmanga Community Centre sak zawh hlim chhawngkhat chu khualbuk atan cheithat sak tura an ngenna chu, Tourism Department-in a tum tur thu minister hian a sawi. ICT Department-in ‘IT at School’ scheme atanga Sailulak High School-a computer set 7 leh accessories an pek an hman tangkai dan a hmunah enin Mizo thawnthua Chhura Talhtum leh Chhurbura’n Mawngping tula a verh lem an siamte pawh a en a. Leng khuaa serthlum chingtute pawh kawmin an huante a hmunah a ensak a ni.

East Lungdar khuaa Robert Romawia chuan Covid-19 hrileng vanga harsatna khirh tak karah pawh hmasawnna hna a kal reng tih a sawi a. Covid hri a reh hunah chak lehzuala hmasawnna hnathawhte kalpui tum a nih thu sawiin, Hrangturzo bialtu, minister ni bawk Pu Lalchamliana kaihhruaina leh East Lungdar VC te rawtna angin computer zirnate, football academy leh boxing academy te fin tura ruahman a nih thu leh, Covid avanga khapna hlih a nih veleh bul tanna hna thawh nghal a nih tur thu a sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy