Daily Newspaper

Minister-in MIMA office a hawng

21

Mizoram Merchants Association (MIMA) Office building thar, Aizawl New Market-a mi chu Thawhtanni zing dar 8:00 khan Dr. R Lalthangliana, Hon’ble Minister, Commerce & Industries chuan a hawng.

He huna khuallian Dr.R.Lalthangliana chuan hawnna thu sawiin, tun hma a helai hmun bawlhhlawh leh tawp tak ni thin MIMA-ten thianghlim leh felfai taka an lo siam ta chu lawmawm a tih thu a sawi a. Covid donaah pawh MIMA-te nen an thawhhona a that thu te sawiin, heng lai Bazar Area hi Mizoramah chuan kan market lian ber a nih avangin sorkar pawhin a ngai pawimawh hle a ni, a ti.

Dr. Thangtea chuan, “Helai hmunah hian tuna cheng vbc 36 hmanga ruahmanna kalpui mek bakah, Smart City Project cheng vbc 34 man tur ruahmanna dang a kal mek bawk tih a sawi a, helai vel atan hian cheng vbc 70 project kan nei a ni, a ti a. Civil Hospital, Aizawl tawt lutuk turte pawh khi siam rem dan kan ruahman mek a, Trauma Centre atan ruahman felfai tak kan nei tawh a. Civil Hospital tlak lam pang liam, hmun ruak pawh khi, Doctor leh Nurse-te quarters awmna tur mumal takin DPR kan siam mek bawk a ni a ti.

Sumdawng pawl baka downline ngah hi Mizoramah an awm lo tih sawiin, an inzar pharh zau a, mutia atanga dawr lian ber thlengin a huam vek a ni a ti a. Ramri chungchangah leh tax chungchangah an hmalak tawhnate a ropui a tih thu sawiin, an hmalak mekna leh kal zelna turah duhsakna tinreng a hlan bawk a ni.

Khualzahawm bialtu MLA Pu Robert Romawia Royte, Hon’ble Minister pawhin a bial chhung ngeiah MIMA office changtlung tak hawn a ni chu lawmawm a tih thu a sawi a. Sumdawng tamna area-ah office changtlung tak a in hung hi a lawmawm ka ti hle a ni, a ti. Commerce & Industries Minister-in sumdawng pawlte hmakhaw ngaia office tha tak din theih a ni ta hi lawmawm a tih thu a sawi bawk a ni. Sumdawnna hi ram hmasawnna khalhtu a ni ber a. Hnam changkang society-ah sumdawng an tam a, ram changkang apiangah sumdawng dinhmun a sang a. Mizoramah pawh MIMA te hnathawh hi Zoram hmasawn nan a pawimawh hle a ni a ti. Mizote hi mahni ram chhungah chauh ni lo, state dangah pawh kan sumdawng thei a, sumdawng pawlte hian Langkaih leh |iau kar ringawt ngaihtuah lovin, ram ril zawkah hak i zauh zel ang u, a ti bawk.

He hun hi Pu Lalrintluanga Sailo, MLA, Dy.Govt.Chief Whip pawhin a hmanpui a, Commerce & Industry Addl. Director Pu HD.Lalrintluanga pawhin

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy