Minister-in office mamawh enpui
Food & Civil Supplies leh Land Revenue & Settlement minister B Lalchhanzova chuan Thawhlehni khan Khawzawl DC office leh District Civil Supplies Officer (DCSO) office a tlawh.
Khawzawl bawrhsap K Vanlalthiana chuan land revenue and settlement office lamin clerical staff an mamawh belh thu, chhiahkhawntu an mamawh thu, food and civil supply lamin gas agency an mamawh belh thu, permanent fair price shop an mamawh thu, ration card-a buaina an neih, rural development lama mamawhna an neih leh indaihlohna hrang hrang a thlen a ni.
Minister B Lalchhanzova chuan district thar a nih angin Khawzawl district chu ngaihpawimawh a tum thu leh Land Revenue & Settlement office lama staff lak thar tum a ni tih a sawi a. Town planning tha tak kalpui a tul, tiin, land record lak ngaih changa Champhai kal reng ngai lo tura ruahman tum a ni tih a sawi a ni.
Thutkhawm zawhah minister hian DC office, Land Revenue & Settlement room, DCSO kudam leh office a fang a. DCSO J Vanlalchhuanga’n an harsatna leh mamawh a lo thlen. Mumal tak leh dik taka buhfai sem kalpui a nih theihnan sawrkarin hma lak zel a tum tih a sawi bawk.
Minister-in office mamawh enpui
