Falkawna Art & Culture department hnuaia siam ‘Zokhua’ chu Thawhtanni khan Art & Culture minister C Lalsawivunga chuan a tlawh a. Department hotuten an tawiawm.
Zokhua-in tun aia nasa zawka sum a hai luh theih dan tur leh hma a sawn zelna tur a hmunah enin, tun aia nasa zawka mipui leh tourist hip thei tura hmasawn ngaihna a enfiah a ni.
Zokhuaah hian hmanlai lal in, Zawlbuk, lal upa in, mi naran in bakah thirdeng in leh pum bakah hmeithai in a awm a. Zokhua tlawh duh tan hian luh man mi pakhat tan Rs. 20 a ni.
Zokhua atang hian tun aia nasa zawka sum deh chhuah a nih theih nan sawrkar laipui scheme atangin a thuamthatna tur leh a tihhmasawnna tur dap a ni dawn tih sawi a ni.
Minister-in ‘Zokhua’ tlawh
