Burpee ringawt a hahthlak a, pull-ups phei chu a hahthlak lehzual. Burpee leh pull-up tih kawp chu a hahthlak dan tur chu pui tak a ni mai. An ding a, an kut pahniha lei nemin, an pe pahnih hnung lamah vawrh chhuakin, ngil takin bawk angin an awm a (kut pahnihin an innem kang thung), chumi hnuah zuang thoin, chung lama bar khamah an uai leh a, ban pahniha uaiin, ban chu kiuah tithlepin an inpawt kang a, bar kham chungah an khabe an dah chhuak a, chumi hnuah kiu timarin an uai thla leh thin. Hetiang hian minute khat chhungin vawi 26 tihmain record thar an siam.
Record siamtu chu Army National Guard officer Tommy Vu a ni a, Zirtawpni kalta khan Good Morning America live boardcast-ah record hi a siam a ni. Vu hian minute khatah vawi 29 a ti hman a, mahse, an endik hnuah a tihdan a fel tawk lo an tih deuh awmin, vawi thum chu an paih sak a, tichuan vawi 26-ah an pawm sak ta a ni. A hmaa hetiang record siamtu chu Indian, Ranvir Desai niin, ani hian June 2020 khan minute khatah burpee pupp-up vawi 25 a ti thei a, he record hi Vu hian a rawn khum ta a ni.
Vu hian darkar khata chest-to-ground burpee tihnem thei record pawh a lo siam tawh a, March ni 27 khan darkar khatah chest-to-ground burpee vawi 1,002 tiin record a lo siam tawh a ni.
Minute khata burpee pull-up tihnem thei record siam
