Daily Newspaper

Mipa a piang, hmeichhia a inlet (transgender) Mara Gomez

15

Thlalakna kan hmuh hi Mara Gomez a ni a, mipa a piang, hmeichhia a inlet (transgender) a ni. Ani hi mipa atanga hmeichhia a insiam zinga professional football player hmasa ber nia hriat a ni. Argentina tualchhunga hmeichhe club lian tak pakhat Athletic Club Villa San Carlos chuan an la lut. Mipa atanga hmeichhiaa inlet a nih vangin a hmeichhia tak tak em tih endik a ni a. Olympic kaihruaina paltlangin, a khawvel thar hmeichhe huangah football khelh phalsak a ni.

Argentina tualchhunga top flight club Athletic Club Villa San Carlos chuan Mara Gomez hi January thla khan an la lut tawh a. Fiahna neuh neuh paltlang tur a la neih vangin an chhawr mai thei lo thung. Hmeichhe pianzia pu tawh mahse a lo pa tu thung em tihte chik takin an en dik a, a nu hnap tih a chian hnuah inkhel turin phalna an pe chauh a, tunah chuan a inkhel thei dawn ta. AFA chuan December ni 4 khan Mara inkhelh phalsakna hi thuchhuah an siam tawh a. First Division of Women’s Football-ah a inlan zui nghal dawn. Karleh thawhtana Athletic Club Lanus an hmachhawn hunah kum 23 mi hi a vawikhat nan a inlan ang.

Inelna sang a hmachhawn thei dawn ta chu lawmawm a tih thu leh, a chungah rinna nghata la luttu Athletic Club Villa San Carlos tan tha taka inlan ngei a tum thu Mara Gomez chuan a sawi. Mualchhunga a chetla hmu chak an tam tawh hle.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy