Hmeichhe duh deuh mai i nei a, a rilru hneh tuma i veh then then lai khan i hlawhtlin theih nan thil thenkhat i tih loh tur a awm niin relationship lama mithiam ten an sawi a, kan rawn tarlang e.
1. Hmeichhia i ngaihnep thu sawi khum chiam tur a ni lo.
2. Insawitheih pawh a tih chi loh, a bikin i hlawh a tam viau pawh a ni thei a, chutiang chu uan nana hman a insawitheih khum te a fuh lo ang.
3. Mahni insawisak a, mahni chetchhiatna te fiamthu thawh nana hman a fuh lo.
4. Hmeichhia chu kut thawha fiam loh tur, a bikin an kawngbawr, an dar leh kiu vela fiam paha khawih chin loh tur.
5. Hmeichhia chu thil hre lo lutuk leh, hawizau lo tak anga trest loh tur.
6. A thiante sawichhiat sak a, rel sak loh tur.
7. Hmeichhia chu tih nuih theih a that rualin, engtik lai pawha fiamthu thawh tum reng tur tihna erawh a ni lo. A nuih i tiza lutuk ang a, i thusawi apiang nuih a tum mai palh ang tih a hlauhawm.
8. Pa taka awm tur a ni a, chutih rualin intih pa tum luata tawngkam ngaihthlak nuam lo leh tum deuh bur reng lam kha a ni lo a, tharum thawh leh insual huai viau lam pawh a ni lo tih hriat tur.
Mipa tan- chhas bem laia tih loh tur
