In lo inzui rei ve viau tawh pawh a ni mahna, in chhuak duh tur nalh inti takin i inchei a, a comment beiseiin i han melh a, “I van nalh ve,” a lo ti a.
Mahse, chu chu a rilru tak tak a ni chian ang em? Hei le, mipa ten sawi chhuah an chak em em, mahse, an sawi chhuah mai theih si lo ni a relationship lama mithiamte sawi kan rawn tarlang e.
1. Engzat nge a hlawh tih an hrilh tha duh hauh lovang che. Chutiang zawhna an pumpelh chak ber pawl a ni ang. A hlawh pun thu emaw, a kaisan thu emaw te chu a hrilh hreh lem lovang che, mahse, a hlawh zat erawh a sawi mai mai lovang.
2. Mipa chuan a hmeichhia zawk aia hlawh tlem nih chu nuam an ti lo, an lawmpui viau che anga an lan pawhin an rilru tak chuan nang aia hlawh tam an chak zawk. Mipa chu eizawngtu zawk nih a, in chhung sekrek khawih tura hmeichhia te dah zawk duhna rilru hi mipa tam tak thinlungah a reh thei tak tak lo.
3. M&B tih vel i chhiar thin a nih chuan, chutiang lehkha aia thupui fun zawk chhiar turin a duh ang che, mahse, chu chu a sawi chhuak ngam si lovang. Tu lehkhabu ziah nge i chhiar thin tih kha i rin aiin a lo chik daih a nia.
4. Mipa dangin an chhaih che chuan a thik ang, mahse, thik lo anga lan a tum ang. Kawngah in kal dun emaw, khawiah emaw in kal dun a ni thei, chutih laia mipa dangin an lo melh dan che te kha a ruk takin a thlithlai reng a nia.
5. I call ngun deuh a, a ruk tak chuan a ning, “Min rawn call sek suh” tih te pawh a duh, mahse, chutiang chuan a sawi ngam si lovang.
6. A thiam loh zawng chu thiam lo nih a hreh ang. Mipa chuan hmeichhe bula thiam loh neih an hreh hle a, hmeichhia ten rintlak leh thiam ngah angah ngai se tih an duh. Chutiang chu pa-naah an ngai deuh tlat a.
7. Mipa chuan engmah sawi lawk lem lova a thiante chaw eia sawm thut te ching ang. Hmeichhia hnena phalna han lak hmasak vel kha duh viau mahse tlawmah a la ve deuh roh tlat thin.
Mipa ten hmeichhia te an hrilh that duh loh
![](https://theaizawlpost.org/wp-content/uploads/tap_logo-min-large.jpg)