Daily Newspaper

Mipui bumin lungphum an phum – BJP president

11

MNF sawrkar chu sum a neih loh vanga a mangan em em laiin Sports minister-in chief minister lungphum a phumtir reng thung si chu mipui bum nana tih nia a ngaih thu BJP Mizoram president chuan a sawi.

BJP Mizoram Pradesh-in Zirtawpnia an office-a hun an hmanah state president Vanlalhmuaka hian thu a sawi a. BJP chu MNF party chuan nasa takin a bei a, an beih ber tur pawh an ni, tiin, Mizo mipuite tan party-ah kan awm avangin Mizoram sawrkar Pu Zoramthanga kaihhruaite kal dan chu an enzui zel dawn tih a sawi.

Tunhnaiah BJP Mizoram in-charge in MNF chu BJP puihna avangin 2018 inthlanah an tling a ni tih a sawi chu, Mizorama minister thenkhatten kaihlekin Mizoram chu central-in NEDA member a nih vanga duhsak angah an ngai niin Vanlalhmuaka hian a sawi a. MNF sawrkar hi central-in a duhsak bik vang ni loin, Covid-19 hrileng vangin central-in mipui riltama an awm a phal loh vang zawkin, Congress pawh sawrkar se hetiang tho hian a rawn ti dawn tih Mizoram mipuiten kan hriat a ngaih tih a sawi a ni.

“MNF sawrkar hian sum a neih loh avangin a mangang em em a, Sports minister chuan Mizoram chief minister chu lungphum a phumtir reng thung si. Union Tribal Affairs minister Arjun Munda chuan central project zawng zawng Covid-19 vangin pek chhuah a ni dawn rih lo tih a sawi a, mipui bum nana lungphum phum mai an nih hmel a, lungphumah an tawp mai ang tih a hlauhawm hle,” a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy